مردان: گھر میں گیس لیکیج کے دھماکے سے 6 افراد جاں بحق، 2 زخمی

مردان میں افسوسناک گیس لیکیج کا حادثہ

مردان (ڈیلی پاکستان آن لائن) - مردان کے شہری علاقے ارم کالونی کے ایک گھر میں گیس لیکیج کے دھماکے سے 6 افراد جاں بحق جبکہ 2 زخمی ہوگئے۔

یہ بھی پڑھیں: بحیرہ عرب میں ہوا کا کم دباؤ شدت اختیار کرگیا، پاکستانی ساحلوں کو کتنا خطرہ؟

حادثے کی تفصیلات

نجی ٹی وی جیو نیوز نے پولیس کے حوالے سے بتایا کہ ارم کالونی کے ایک گھر کی دوسری منزل پر رات کو گیس لیکیج کے باعث دھماکا ہوا جس سے گھر کی چھت گر گئی۔

زخمیوں اور جاں بحق افراد کی اطلاعات

پولیس نے کہا کہ اس افسوسناک واقعے میں گھر کے 6 افراد جاں بحق اور 2 بچے زخمی ہو گئے۔ ریسکیو کی ٹیم نے 7 گھنٹے کی جدوجہد کے بعد صبح جاں بحق اور زخمی ہونے والوں کو ملبے سے نکال کر مردان میڈیکل کمپلیکس منتقل کر دیا۔