ٹک ٹاکر ثنا یوسف کے قتل کے خلاف اسلام آباد میں عورت مارچ کا مظاہرہ، عام شہریوں کی بھی شرکت

اسلام آباد میں مظاہرہ

اسلام آباد(آئی این پی) عورت مارچ اسلام آباد کے منتظمین نے قتل کی گئی کم عمر ٹک ٹاکر ثنا یوسف کو انصاف دلانے کے لیے مظاہرہ کیا، جس میں عام شہریوں نے بھی شرکت کی۔ ثنا یوسف کو 2 جون کو ان کے گھر میں گھس کر فائرنگ کرکے قتل کیا گیا تھا، پولیس نے ایکشن لیتے ہوئے 3 جون کو ملزم کے خلاف مقدمہ دائر کرکے اسے گرفتار کرلیا تھا۔

یہ بھی پڑھیں: 583 مردوں کے ساتھ تعلقات بنانے والی لڑکی کے والدین کو کیسے پتا چلا اور ردعمل کیا تھا؟ خود ہی شرمناک انکشاف کردیا۔

ثنا یوسف کا قتل

پولیس نے بتایا کہ 17 سالہ ثنا یوسف کو فیصل آباد سے تعلق رکھنے والے 22 سالہ ملزم عمر حیات نے دوستی سے انکار پر قتل کیا۔ ثنا یوسف کے قتل کے خلاف شوبز شخصیات سمیت سیاسی و سماجی شخصیات نے بھی اظہار افسوس کرتے ہوئے قاتل کو سخت سے سخت سزا دینے کا مطالبہ کیا ہے اور اب اسلام آباد میں عورت مارچ کے منتظمین کی جانب سے مقتولہ کو انصاف دلانے کے لیے مظاہرہ کیا گیا۔

یہ بھی پڑھیں: وزیراعظم رائیونڈ پہنچ گئے، پارٹی قائد نوازشریف سے ملاقات کریں گے

مظاہرے کی تفصیلات

عورت مارچ کی جانب سے اسلام آباد پریس کلب کے باہر ثنا یوسف کو انصاف دلانے کے لیے مظاہرہ کیا گیا، جس میں بڑی تعداد میں نوجوان افراد نے شرکت کی اور قاتل کو سخت سے سخت سزا دینے کا مطالبہ کیا۔ مظاہرین نے "میرا جسم، میری مرضی" سمیت دیگر نعرے بھی لگائے اور مختلف نعروں کے بینرز بھی اُٹھا رکھے تھے۔ مظاہرین نے "غیرت کے نام پر قتل کرنے والا سب سے بڑا بیغیرت ہے" اور "انکار کرنا میرا حق ہے" جیسے نعروں کے بینرز بھی اٹھا رکھے تھے۔

یہ بھی پڑھیں: نصرت فتح علی خان کے ساتھ سب سے اونچی آواز لگانے والا قوال….. اب کہاں ہے؟

حکومتی اقدامات کا مطالبہ

مظاہرین نے حکومت، پولیس اور عدالتوں سے مطالبہ کیا کہ وہ ثنا یوسف کے قاتل کو مثالی سزا دے کر باقی ملزمان کی حوصلہ شکنی اور لڑکیوں کے تحفظ کو یقینی بنائیں۔ عورت مارچ اسلام آباد کی جانب سے مظاہرے کی تصاویر اور ویڈیوز بھی شیئر کی گئیں، جنہیں دیگر سوشل میڈیا پیجز کی جانب سے بھی شیئر کیا گیا۔

شرکت کرنے والوں کی تعداد

ثنا یوسف کو انصاف دلانے کے لیے نکالے گئے مظاہرے میں گھروں میں کام کرنے والی ملازم خواتین بھی شریک ہوئیں جب کہ طالبات سمیت دیگر ملازمت پیشہ خواتین اور مرد حضرات بھی مظاہرے میں شریک ہوئے۔