لیہ، ڈی آئی خان، گھوٹکی اور ننکانہ صاحب میں حادثات، 12 افراد جاں بحق، 42 زخمی

ٹریفک حادثات میں جانی نقصان

لاہور (ڈیلی پاکستان آن لائن) - لیہ، ڈی آئی خان، گھوٹکی اور ننکانہ صاحب میں ٹریفک حادثات کے دوران 12 افراد جاں بحق اور 42 افراد زخمی ہو گئے۔

یہ بھی پڑھیں: پنجاب میں چھوٹے کاروبار کے فروغ کیلئے ”کاروبار کارڈ“ سکیم متعارف کرانے کا فیصلہ ،کتنا قرض دیا جائیگا؟ جانیے

لیہ کے علاقے میں بس حادثہ

نجی ٹی وی دنیا نیوز کے مطابق لیہ کے علاقے نواں کوٹ کے قریب زائرین کی تیز رفتار بس بے قابو ہو کر الٹ گئی۔ حادثے میں خاتون سمیت 2 افراد جاں بحق اور 26 زخمی ہو گئے۔ ریسکیو کارکنوں نے نعشوں اور زخمیوں کو تحصیل ہسپتال فتح پور منتقل کر دیا، 6 زخمیوں کی حالت تشویشناک ہے جنہیں نشتر ہسپتال ملتان ریفر کر دیا گیا۔ بس لاہور سے کروڑ لعل عیسن جا رہی تھی، بس کے اندر 62 اور چھت پر 20 مسافر سوار تھے۔ جاں بحق اور زخمی ہونے والوں کا تعلق ایک ہی خاندان سے بتایا جاتا ہے۔

یہ بھی پڑھیں: سپریم کورٹ نے نیب کیس میں سزا بھگتنے والے ملزم کو الزامات سے بری قرار دے دیا

ڈی آئی خان میں کار حادثہ

ڈی آئی خان کی تحصیل درازندہ میں کار بے قابو ہو کر کھائی میں گر گئی۔ حادثے میں 2 بھائیوں سمیت 4 افراد جاں بحق اور 2 زخمی ہوگئے، جاں بحق ہونے والوں میں 7 سالہ بچہ بھی شامل ہے۔ جاں بحق اور زخمیوں کا تعلق گاؤں بیاران سے بتایا جاتا ہے، لاشوں اور زخمیوں کو درازندہ ہسپتال منتقل کردیا گیا۔

یہ بھی پڑھیں: ہیرا اور اسد کی سروس ٹائرز پنجاب اوپن ٹینس چیمپئن شپ میں شاندار فتوحات

ننکانہ صاحب میں درخت سے ٹکرا جانے کا حادثہ

ننکانہ صاحب میں منڈی فیض آباد روڈ پر کار بے قابو ہو کر درخت سے ٹکرا گئی۔ حادثے میں ایک شخص جاں بحق اور 2 افراد زخمی ہو گئے، نعش اور زخمیوں کو شرقپور ہسپتال منتقل کر دیا گیا۔

یہ بھی پڑھیں: بجٹ تقریر، حکومت نے بھارت کی آبی جارحیت سے نمٹنے کیلئے اقدامات کا اعلان کردیا

گھوٹکی میں ٹرک کے الٹنے کا واقعہ

گھوٹکی میں موٹروے ایم فائیو پر مویشیوں سے لوڈ ٹرک بے قابو ہو کر الٹ گیا۔ حادثے میں 3 افراد جاں بحق اور 12 زخمی ہوگئے، جاں بحق افراد میں ذوالفقار، مظہر، اور بلال احمد شامل ہیں۔ زخمیوں کو تشویشناک حالت میں رحیم یار خان ہسپتال منتقل کیا گیا، جاں بحق اور زخمی ہونے والے مویشی بیوپاریوں کا تعلق پنجاب کے ضلع مظفر گڑھ سے ہے۔ پولیس کے مطابق حادثہ ڈرائیور کو نیند آنے کے باعث پیش آیا۔

ہری پور میں ڈوبنے کا واقعہ

ادھر ہری پور میں تربیلا جھیل میں نہاتے ہوئے چار بچے ڈوب گئے۔ مقامی افراد نے دو بچوں کو بچا لیا، ایک بچے کی لاش نکال لی گئی جبکہ ایک کی تلاش تاحال جاری ہے۔ دوسری طرف ڈہرکی بائی پاس پر ٹریلر نے ایک خاتون کو کچل دیا جو موقع پر جاں بحق ہو گئیں۔