ایک گھر میں بجلی کے 2 میٹرز پر پابندی کی خبر دیکھ سعد رفیق بھی پریشان، حکومت کو اہم مشورے دے دیئے

خواجہ سعد رفیق کا بجلی کے دو میٹرز پر پابندی کے حوالے سے بیان

لاہور (ڈیلی پاکستان آن لائن) سابق وفاقی وزیر اور مسلم لیگ (ن) کے سینئر رہنما خواجہ سعد رفیق نے ایک ہی گھر میں بجلی کے دو میٹرز پر پابندی کی خبر پر اپنی پریشانی کا اظہار کیا۔

یہ بھی پڑھیں: سندھ سے متعلق بھارتی وزیر دفاع کا بیان، وزیراعلیٰ سندھ مراد علی شاہ نے” کرارا جواب” دیدیا

سوشل میڈیا پر وضاحت

نجی ٹی وی چینل ایکسپریس نیوز کے مطابق، انہوں نے سماجی رابطے کی ویب سائٹ ایکس پر اپنے بیان میں کہا کہ انہوں نے کل شام سی ای او لیسکو رمضان بٹ اور وفاقی وزیر توانائی سردار اویس لغاری سے رابطہ کیا۔ دونوں نے انہیں یقین دہانی کروائی کہ یہ ایک فیک نیوز ہے۔

یہ بھی پڑھیں: معروف گلوکار عمیر جسوال کا طلاق اور دوسری شادی سے متعلق بیان وائرل

وزارت بجلی کی وضاحت

سعد رفیق نے کہا کہ وزارت بجلی نے اس بارے میں وضاحت بھی جاری کی ہے، اور ان کی معلومات کے مطابق، ایک گھر کے الگ الگ پورشنز یا بلڈنگ کے فلیٹس میں رہنے والی فیملیز اپنے لئے الگ الگ میٹرز نصب کر سکتی ہیں۔

یہ بھی پڑھیں: ایران کے ساتھ جنگ ہمارا مشن مکمل ہونے تک جاری رہے گی: اسرائیلی وزیر خارجہ

بجلی کے نرخوں کا مسئلہ

انہوں نے مزید کہا کہ ایک گھر کے داخلی دروازے کا مطلب گھر کا نہیں بلکہ پورشن کا دروازہ ہوگا، بشرطیکہ وہاں رہنے والی فیملیز کے الیکٹرک سرکٹ الگ ہوں۔

سعد رفیق نے یہ بھی کہا کہ بجلی کے 200 یونٹس استعمال کرنے کا ریٹ 201 یونٹ پر اچانک بدل جانا بھی ایک مصیبت ہے، اور اس کا جامع حل نکالنا ہوگا۔

یہ بھی پڑھیں: محمد رضوان کپتانی سے استعفیٰ دے سکتے ہیں اگر۔۔ انتہائی بڑا دعویٰ سامنے آ گیا

بجلی کی سلیب میں اصلاحات

انہوں نے اپنے تجربے کی بنیاد پر رائے دیتے ہوئے کہا کہ 200 سے 300 کی سلیب میں آتے آتے کم از کم تین یا چار مراحل ہونے چاہئیں۔ اگر معاشی حالت بہتر ہو جائے تو بجلی کا کم از کم ریٹ 300 یونٹ پر بھی مقرر کیا جا سکتا ہے۔

یہ بھی پڑھیں: لاہور سے ملتان جانے والی موسیٰ پاک ایکسپریس کو حادثہ، 4 افراد زخمی

سولر پینلز کی مینو فیکچرنگ اور بلا سود قرضے

سابق وفاقی وزیر نے معیاری سولر پینلز کی پاکستان میں مینو فیکچرنگ اور عوام کو اس ضمن میں بلا سود قرضے فراہم کرنے کی تجویز بھی دی، تاکہ لوگ مہنگی بجلی کے بوجھ سے بچ سکیں۔

یہ بھی پڑھیں: سعودی عرب سے کروڈ آئل 15 سے 20 روز میں پاکستان پہنچے گا، وزیر پیٹرولیم علی پرویز ملک

بجلی چوروں کے خلاف سختی

انہوں نے بجلی چوروں اور پاور سپلائی کمپنیوں میں ان کے سہولت کار سرکاری اہلکاروں کے خلاف بے رحمانہ کریک ڈاؤن کا مطالبہ بھی کیا۔

یہ بھی پڑھیں: لکی مروت: مارٹر گولہ پھٹنے سے 5 بچے جاں بحق، 12 زخمی

نجکاری اور اصلاحات

سعد رفیق نے کہا کہ پاور سپلائی کمپنیوں کی نجکاری کرپٹ مافیا سے جان چھڑانے کا موزوں راستہ ہے، اور وفاقی حکومت اس پر سنجیدگی سے کام کر رہی ہے۔

یہ بھی پڑھیں: ٹیرف اور سرمایہ کاری سے دوسرے ممالک سے کھربوں ڈالر لے رہے ہیں: ڈونلڈ ٹرمپ

حکومت کے اقدامات

یہ حقیقت ہے کہ وزیر اعظم پاکستان اور وزیر بجلی، بجلی کی قیمتوں میں کمی اور پاور سپلائی کے نظام کی اصلاح کے لئے پوری توجہ اور محنت سے کام کر رہے ہیں۔

ڈیمز کی تعمیر اور مستقبل کا روڈ میپ

انہوں نے کہا کہ اس ضمن میں ڈیمز کی تعمیر کے کام میں بھی تیزی لائی گئی ہے، اور ان کی تجویز ہے کہ وفاقی حکومت بجلی کی قیمتوں کو کم کرنے کے حوالے سے مستقبل کا روڈ میپ قوم کے سامنے رکھے۔