مہنگائی اور قوت خرید: رواں سال عید الاضحیٰ پر قربانی میں کتنی کمی واقع ہوئی؟

پاکستان میں عید الاضحیٰ پر جانوروں کی قربانی

اسلام آباد(ڈیلی پاکستان آن لائن) پاکستان ٹینریز ایسوسی ایشن اور مویشی پال کسانوں کے مطابق رواں سال عید الاضحیٰ پر تقریباً 6 لاکھ سے 10لاکھ کم جانور قربان کیے گئے۔

یہ بھی پڑھیں: روس، یوکرین کی تین روزہ جنگ بندی کا اختتام، پیوٹن کی براہ راست مذاکرات کی پیشکش

قربانی کیے جانے والے جانوروں کی تعداد

نجی ٹی وی چینل جیو نیوز کے مطابق پاکستان ٹینریز ایسوسی ایشن کے مطابق عید الاضحٰی پر مجموعی طور پر 69 لاکھ 77ہزار جانور قربان کیے گئے جن میں 30 لاکھ گائیں، 34 لاکھ بکرے، 4 لاکھ بھیڑیں اور ایک لاکھ اونٹ شامل تھے۔

یہ بھی پڑھیں: امریکہ کی ایران کے خلاف جنگ پر یومیہ ایک ارب ڈالر خرچ ہو رہا، رپورٹ

جانوروں کی قربانی میں کمی کی وجوہات

پاکستان ٹینریز ایسوسی ایشن کا بتانا ہے کہ رواں برس عید الاضحیٰ پر تقریباً 6 لاکھ سے 10لاکھ کم جانور قربان کیے گئے، تعداد میں کمی کی وجہ مہنگائی اور قوت خرید کم ہونا تھی۔

یہ بھی پڑھیں: مون سون اور سیلاب ریسکیو آپریشن میں 1594 لوگوں کو بچایا گیا، ڈاکٹر رضوان نصیر نے تفصیلات شیئر کر دیں

قیمتوں میں ہونے والی تبدیلیاں

ٹینریز ایسوسی ایشن کے مطابق اس سال عید پر جانوروں کی قیمتوں میں کمی کا رجحان دیکھا گیا، قربانی کے جانوروں کی کل مالیت کا تخمینہ 500 ارب روپے سے کم رہا۔

گائے کی اوسط قیمت میں 25 ہزار سے ڈیڑھ لاکھ روپے کمی اور بکرے کی قیمت میں 10 ہزار سے 50 ہزار روپے تک اضافہ ہوا جب کہ اونٹ کی قیمت میں بھی اضافے کا رجحان دیکھا گیا۔