میرا مقام بیت الخلا صاف کرنے والوں سے بھی نیچے ہے، میں تو۔۔۔” سہیل وڑائچ نے آخر کار خاموشی توڑ دی

اسلام آباد (ڈیلی پاکستان آن لائن) اداکارہ و گلوکارہ فضا علی کو سینئر صحافی سہیل وڑائچ کے بارے میں متنازع بیان کرنے پر تنقید کا سامنا ہے۔ تاہم، اب سہیل وڑائچ نے بھی خاموشی توڑتے ہوئے زبردست جواب دیا ہے۔

یہ بھی پڑھیں: ڈونلڈ ٹرمپ نے پاکستان کے بارے میں بڑا اعلان کر دیا

پروگرام میں شرکت

تفصیلات کے مطابق، فضا علی نے حال ہی میں دنیا نیوز کے پروگرام "آن دا فرنٹ" میں شرکت کی، جہاں میزبان کامران شاہد کی جانب سے پوچھے گئے سوال کے جواب میں انہوں نے پروگرام میں موجود شخصیات کے متبادل پیشے کا 'تفریحی انداز' میں ذکر کیا۔ تاہم، ان کا صحافی سہیل وڑائچ سے متعلق بیان سب سے زیادہ متنازع ثابت ہوا۔

یہ بھی پڑھیں: فضیلہ قاضی نے صدارتی ایوارڈ سے متعلق اہم وضاحت پیش کی

فضا علی کا بیان

انہوں نے کہا کہ "وڑائچ صاحب پہلے تو معذرت، سچ بولنا میرا ٹاسک ہے، مجبوری ہے، آپ کسی ریسٹورنٹ یا بیرون ملک کسی واش روم کے سویپر ہوتے، کیوں ہوتے؟ یہ سوال ہے، کیونکہ جتنی بھی عورتیں ہیں، ان کے واش روم میں یہ ضرور گئے ہیں۔ ہمیں تو یہ دکھایا گیا کہ یہ واش روم میں گئے ہیں، اندر اگر تپڑی لگا کر آئے ہوں یا دوائی ڈال کر، ہمیں کیا پتہ، وہ چیز تو ہمیں نہیں دکھاتے۔"

یہ بھی پڑھیں: نیتن یاہو سن لو، ایک، ایک بچے کے خون کا حساب لیں گے: حافظ نعیم الرحمان

سہیل وڑائچ کا جواب

My status is even below than toilet cleaners: I’m a street dirt as Mian Muhammad Baksh called himself” galian da rora kora” cleaning toilet in my view is not insult as cleaning dirt of others a noble service https://t.co/PKebchqOzA

— Suhail Warraich (@suhailswarraich) June 9, 2025

اداکارہ فضا علی کا یہ کلپ سوشل میڈیا پر وائرل ہو گیا ہے۔ سہیل وڑائچ نے اپنے موقف میں کہا کہ "میرا مقام بیت الخلا صاف کرنے والوں سے بھی نیچے ہے؛ میں تو گلیوں کی خاک ہوں، جیسا کہ میاں محمد بخش نے خود کو 'گلیاں دا روڑا کوڑا' کہا۔ میرے نزدیک بیت الخلا صاف کرنا کوئی توہین نہیں، بلکہ دوسروں کی گندگی صاف کرنا ایک عظیم خدمت ہے۔"

سوشل میڈیا پر ردعمل

فضا علی کا یہ بیان سوشل میڈیا پر وائرل ہوا جس کے بعد انہیں شدید تنقید کا سامنا کرنا پڑا۔ ایک صارف نے ردعمل دیتے ہوئے لکھا کہ "سہیل وڑائچ ایک اکیڈمی کی حیثیت رکھتے ہیں، خاتون ہونے کا یہ مطلب نہیں کہ جو منہ میں آئے بولتی جائیں۔"