یونان کشتی حادثے کا مرکزی ملزم مصر سے گرفتار

عمران ٹونی کی گرفتاری

لاہور(ڈیلی پاکستان آن لائن)کشتی حادثات میں ملوث اور ریڈ بک کے انتہائی مطلوب انسانی اسمگلر عمران ٹونی کو مصر سے گرفتار کرلیا گیا۔

یہ بھی پڑھیں: 5 اگست احتجاج؛ پی ٹی آئی کارکنان کو جوڈیشل ریمانڈ پر جیل بھیجنے کا حکم

ایف آئی اے کا اعلان

نجی ٹی وی چینل ایکسپریس نیوز کے مطابق ترجمان ایف آئی اے نے بتایا کہ گوجرانوالہ زون نے کشتی حادثات میں ملوث انتہائی مطلوب انسانی سمگلر عمران عرف ٹونی کو انٹرپول کی معاونت سے مصر سے گرفتار کرلیا۔

یہ بھی پڑھیں: سعودی عرب میں بس حادثہ 5 زائرین جاں بحق ، وزیر اعلیٰ پنجاب کا اظہار افسوس

ملزم کی سرگرمیاں

عمران عرف ٹونی انسانی سمگلنگ میں ملوث بین الاقوامی نیٹ ورک کا حصہ ہے اور 2023 میں پیش آنے والے یونان کشتی حادثے کا مرکزی ملزم ہے۔ ملزم کو ضروری قانونی کارروائی کے بعد مصر سے ایف آئی اے گوجرانوالہ زون منتقل کر دیا گیا۔

یہ بھی پڑھیں: معرکۂ حق میں پاکستان نے دشمن کے 11 جہاز گرائے: احسن اقبال کا جدہ میں تقریب سے خطاب

ریڈ نوٹس کا اجرا

ایف آئی اے گوجرانوالہ زون کی درخواست پر انٹرپول نے ملزم کی گرفتاری کے لئے ریڈ نوٹس جاری کیا۔ ملزم سال 2012 سے لیبیا سے آپریٹ کر رہا تھا، جو غیر قانونی انسانی سمگلنگ کی سہولت کاری فراہم کرنے میں ملوث پایا گیا۔