والدہ کے انتقال کے بعد خودکشی کرنے کی کوشش کی: شاہد حمید

شاہد حمید کی ماضی کی مشکلات

لاہور(ڈیلی پاکستان آن لائن) ماضی کے مقبول اداکار شاہد حمید نے انکشاف کیا ہے کہ والدہ کے انتقال کے بعد انہوں نے محض 14 سال کی عمر میں خودکشی کرنے کی کوشش کی تھی۔

یہ بھی پڑھیں: عالمی منڈی میں خام تیل کی قیمتوں میں اضافہ ہو گیا

زبردست وِد وصی شاہ میں گفتگو

ڈان کے مطابق شاہد حمید نے حال ہی میں پروگرام ’زبردست وِد وصی شاہ‘ میں شرکت کی، جہاں انہوں نے مختلف موضوعات پر کھل کر گفتگو کی۔

یہ بھی پڑھیں: مودی پر جنگی جنون طاری، فضائی صلاحیتوں کو مضبوط بنانے کے لیے کتنے ہزار کروڑ کا دفاعی نظام خریدنے کی تیاری کر لی۔۔۔؟ تہلکہ خیز انکشافات

والد کی سختی اور اداکاری کا آغاز

اداکار نے بتایا کہ کیریئر کے آغاز میں ان کے والد کو معلوم نہیں تھا کہ وہ اداکاری کررہے ہیں، جب والد کو اس بات کا علم ہوا تو انہوں نے سخت ردِعمل دیا اور انہیں بہت مارا۔

یہ بھی پڑھیں: عمران خان کو دس سال قید نہیں بلکہ آرٹیکل 6 کے تحت عمر قید یا سزائے موت ہو سکتی ہے: نجم ولی خان کا تجزیہ

ذاتی زندگی کا صدمہ

انہوں نے بتایا کہ فلم ’گھرانہ‘ میں والدہ کی وفات کا منظر ان کی ذاتی زندگی سے حیرت انگیز طور پر مشابہت رکھتا ہے۔ انہوں نے کہا کہ اصل زندگی میں بھی جب میں اسکول سے واپس آیا اور جیسے ہی کمرے میں داخل ہوا تو میری والدہ کی وفات ہوچکی تھی۔

یہ بھی پڑھیں: پنجاب کا تاریخ ساز بجٹ 2025-26

پہلے صدمے کا اثر

شاہد حمید کے مطابق اس وقت ان کی عمر صرف 9 سال تھی لیکن وہ لمحہ آج تک ان کے ذہن میں تازہ ہے۔ انہوں نے بتایا کہ والدہ کی موت کا انہیں اس قدر گہرا صدمہ ہوا تھا کہ انہوں نے 14 سال کی عمر میں خودکشی کی کوشش کی تھی۔ ان کا کہنا تھا کہ میں اس صدمے کو بھلا نہیں پارہا تھا اور ہر شخص میں ماں جیسی ممتا تلاش کرنے لگا تھا۔

یہ بھی پڑھیں: روپے کی قدر میں کمی، ڈالر مہنگا ہوگیا

اسکینڈلز اور میڈیا کی تنقید

ایک سوال کے جواب میں شاہد حمید نے کہا کہ انہوں نے کبھی اپنے اسکینڈلز کو چھپانے کی کوشش نہیں کی اور میڈیا میں ان کے حوالے سے جو خبریں آئیں، ان میں سے صرف چالیس فیصد درست تھیں۔

غلط فہمیاں اور تجربات

انہوں نے کہا کہ کئی بار ان کے بارے میں غلط باتیں پھیلائی گئیں، جیسے پانی کے گلاس کو شراب کا گلاس قرار دیا گیا، جو کہ سراسر غلط تھا۔ شاہد حمید نے ایک واقعہ سناتے ہوئے کہا کہ ایک بار میں ورزش کے بعد پانی پی رہا تھا، وہاں ایک صاحب بھی موجود تھے جنہوں نے گلاس کے ساتھ میری تصویر کھینچ لی اور یہ خبر پھیلا دی کہ میں نے شراب پینی چھوڑ دی ہے، حالانکہ ایسی کوئی بات نہیں تھی اور اس خبر کی وجہ سے کئی لوگوں کی میرے بارے میں رائے خراب ہوگئی، جس کا مجھے افسوس ہے۔