اس بار ہتھیار ساتھ لائیں گے اور ہم بھی ٹھوکیں گے” علی امین گنڈا پور کی دھمکی

علی امین گنڈا پور کا احتجاج کا اعلان

اسلام آباد (ڈیلی پاکستان آن لائن) خیبر پختونخوا کے وزیر اعلیٰ علی امین گنڈا پور نے اسلام آباد میں احتجاج کے دوران ہتھیار لانے اور قانون نافذ کرنے والے اداروں کا مقابلہ کرنے کا اعلان کردیا۔

یہ بھی پڑھیں: سیلاب کا خطرہ، رحیم یارخان میں 12 فلڈ ریلیف کیمپ قائم، 7ہزار آبادی کا انخلاء

میڈیا سے گفتگو

علیمہ خان کے ہمراہ میڈیا سے گفتگو کرتے ہوئے علی امین گنڈا پور نے پہلے میڈیا سے درخواست کی کہ وہ ان کا کلپ نہ کاٹیں کیونکہ جب بھی وہ کوئی ایسی بات کرتے ہیں تو ان کا کلپ کاٹ دیا جاتا ہے، وہ خود بات کر رہے ہیں اس لیے میڈیا کو مسئلہ نہیں ہونا چاہیے۔

یہ بھی پڑھیں: شوگر ملز کی جانب سے 15 ارب روپے سے زائد کے قرضے واپس نہ کرنے کا انکشاف

ہتھیاروں کے ساتھ آمد

انہوں نے کہا کہ اس دفعہ وہ آئیں گے تو ہتھیار ساتھ لے کر آئیں گے، پچھلی دفعہ وہ آئے تو انہیں گولیاں ماری گئیں کیونکہ وہ نہتے تھے، لیکن اس بار وہ ہتھیار لے کر آئیں گے اور اگر انہیں ٹھوکا گیا تو وہ بھی ٹھوکیں گے۔

خفیہ آمد کا منصوبہ

علی امین گنڈا پور کا کہنا تھا کہ اس بار وہ اسلام آباد آئیں گے اور کسی کو نہیں بتائیں گے کہ کہاں سے آ رہے ہیں، اگر انہیں سرنگ کھود کر بھی آنا پڑا تو آئیں گے۔