صوبائی وزیر سہیل شوکت بٹ کی انٹرنیشنل توران کپ میں سلور میڈل جیتنے والے قومی ہیرو سجاد حسین اعوان سے ملاقات

صوبائی وزیر کی ریپریزنٹیٹو سے ملاقات

لاہور (ڈیلی پاکستان آن لائن) صوبائی وزیر برائے سوشل ویلفیئر و بیت المال سہیل شوکت بٹ نے انٹرنیشنل توران کپ میں سلور میڈل جیت کر پاکستان کا نام روشن کرنے والے قومی رسہ کشی ٹیم کے کپتان سجاد حسین اعوان سے دفتر میں خصوصی ملاقات کی۔

یہ بھی پڑھیں: ماضی میں ٹوتھ برش بیچنے والا، اب 13 ہزار کروڑ کا مالک: کیا شاہ رخ سے بھی امیر ہے؟

ملاقات میں موجود افسران

اس موقع پر سیکرٹری سوشل ویلفیئر جاوید اختر محمود، ڈائریکٹر جنرل محمد طارق قریشی اور دیگر اعلیٰ افسران بھی موجود تھے۔ سہیل شوکت بٹ نے سجاد حسین اعوان کو قوم کا فخر قرار دیتے ہوئے ان کی شاندار کارکردگی پر دلی مبارکباد پیش کی۔

یہ بھی پڑھیں: ویمنز ورلڈ کپ، پاکستان کی ٹیم بھارت نہیں جائے گی، محسن نقوی کا دو ٹوک اعلان

کامیابی اور بین الاقوامی مقابلے

انہوں نے کہا کہ سجاد حسین اعوان اور ان کی ٹیم نے آذربائیجان کے دارالحکومت باکو میں منعقدہ انٹرنیشنل توران کپ میں ترکیہ، ایران، آذربائیجان سمیت متعدد ممالک کو شکست دے کر سلور اور برونز میڈلز اپنے نام کیے، جو نہ صرف قابلِ فخر ہے بلکہ پاکستان کے مثبت امیج کی بھرپور عکاسی کرتا ہے۔

یہ بھی پڑھیں: پنجاب کی جیلوں میں انڈور سپورٹس مقابلے شروع

حکومتی عزم اور سپورٹس کی ترقی

سہیل شوکت بٹ نے اس عزم کا اعادہ کیا کہ حکومت ایسے باصلاحیت نوجوانوں کی مکمل سرپرستی کرے گی۔ انہوں نے کہا کہ ٹریڈیشنل سپورٹس کا فروغ حکومت کی اولین ترجیحات میں شامل ہے اور رسہ کشی جیسی روایتی کھیلوں کی ٹیموں کو ہر ممکن معاونت فراہم کی جائے گی۔

یہ بھی پڑھیں: کابینہ کمیٹی برائے امن و امان کا اجلاس ،کچے کے علاقے میں آپریشنز کیلئے 1 ارب روپے کے فنڈز سے جدید آلات کی خریداری کی منظوری

نئی نسل کی مثال

"ہم اپنے ٹیلنٹ کو کبھی تنہا نہیں چھوڑیں گے، سجاد حسین اعوان جیسے نوجوان ہمارے مستقبل کا سرمایہ اور قومی پرچم کے علمبردار ہیں۔ ان کی کامیابی پوری قوم کی کامیابی ہے"، وزیر سوشل ویلفیئر نے مزید کہا۔

نوجواں کی توانائی اور عزم

انہوں نے اس موقع پر سجاد حسین اعوان کی کارکردگی کو مثالی قرار دیتے ہوئے کہا کہ ایسے نوجوان ہماری نوجوان نسل کی توانائی، جذبے اور عزم کی روشن مثال ہیں۔