کراچی میں لڑکی سے ملنے آئی آشنا کے پکڑے جانے پر ساتھیوں کی فائرنگ سے لڑکی ہی زخمی ہوگئی

کراچی میں فائرنگ کا واقعہ

کراچی (ڈیلی پاکستان آن لائن) شہر قائد کے علاقے کورنگی بنگالی پاڑہ میں لڑکی سے ملنے کےلیے آنے والے آشنا کے پکڑے جانے پر ساتھیوں نے فائرنگ کردی جس کے نتیجے میں لڑکی سمیت 2 افراد زخمی ہوگئے۔

یہ بھی پڑھیں: پاکستان اپنے پانی کے تحفظ کے لیے جوہری ہتھیار استعمال کرسکتا ہے، تجزیہ کاروں نے خبردار کردیا

واقعے کی تفصیلات

تفصیلات کے مطابق کورنگی کے علاقے بنگالی پاڑہ سیکٹر 34 بی میں گھر کے اندر فائرنگ کے واقعے میں نوجوان لڑکی سمیت 2 افراد زخمی ہوگئے جبکہ لڑکی کا بھائی اور ایک نوعمر بچی چوٹ لگنے سے زخمی ہوگئی۔

یہ بھی پڑھیں: پاکستان بزنس کونسل دبئی کا وفاقی وزیر احسن اقبال چوہدری کے ساتھ انٹرا یکٹو سیشن، اوورسیز پاکستانیوں کے مسائل سے آگاہ کیا گیا

زخمیوں کی شناخت

زخمیوں کو فوری طبی امداد کے لیے جناح اسپتال لیجایا گیا جہاں ان کی شناخت 24 سالہ زینب دختر ظہیر اور 26 سالہ رضوان ولد راشد کے نام سے کی گئی۔ فائرنگ کے دوران جھگڑے میں زخمی لڑکی کے بھائی 22 سالہ ایوب اور 12 سالہ حبیبہ بھی شامل ہیں۔

یہ بھی پڑھیں: گرلز سکولوں میں ہراسانی کے سدباب کیلئے خصوصی کمیٹیاں بنانے کا اصولی فیصلہ

پولیس کی تحقیقات

ایس ایچ او عدیل افضال نے بتایا کہ ابتدائی تفتیش کے دوران یہ بات سامنے آئی ہے کہ زخمی زینب گھر پر اکیلی تھی اور اس کی والدہ اور بہن رشتے دار کے گھر گئی ہوئی تھیں۔ اس دوران زینب نے اپنے آشنا اسد کو گھر پر ملنے کے لیے بلایا تھا، اور اسی وقت اس کا بھائی ایوب وہاں آگیا۔

یہ بھی پڑھیں: عقیل، مزمل، شعیب خواجہ افتخار میموریل ٹینس سیمی فائنلز میں پہنچ گئے

جھگڑے کی تفصیلات

بھائی کا لڑکی کے آشنا سے جھگڑا ہوا اور بات ہاتھا پائی پر پہنچ گئی۔ اسد نامی لڑکا اپنے ساتھ دیگر اوباشوں کو لے آیا اور ان کے ساتھیوں نے فائرنگ کردی۔ اس کے نتیجے میں لڑکی زینب اور بیچ بچاؤ کرنے والے پڑوسی رضوان زخمی ہوگئے جبکہ ایوب اور بچی حبیبہ جھگڑے کے دوران دھکم پیل کے نتیجے میں معمولی زخمی ہوئے۔

یہ بھی پڑھیں: اتحاد و یکجہتی میں ہے جملہ مسائل کا حل: ڈاکٹر حسن قادری کا سیرت النبیؐ کانفرنس میں خطاب

فائرنگ کا نتیجہ

زخمی ہونے والا رضوان ایوب کا پڑوسی ہے، جو ممکنہ طور پر بیچ بچاؤ کے لیے آیا تھا اور فائرنگ کی زد میں آ گیا۔ نوعمر لڑکی حبیبہ کو طبی امداد کے بعد گھر روانہ کردیا گیا ہے جبکہ فائرنگ کرنے والے ملزمان موقع سے فرار ہوگئے ہیں۔

پولیس کارروائی

پولیس نے جائے وقوعہ سے نائن ایم ایم پستول کے 4 خول برآمد کیے ہیں اور فرار ہونے والے ملزمان کی تلاش میں چھاپے مار رہی ہے۔ زخمی زینب اور رضوان کا بیان بھی قلمبند کیا جا رہا ہے۔