اسلام آباد سمیت مختلف علاقوں میں گرج چمک کے ساتھ بارش کی پیشگوئی

موسمی حالات کی پیشگوئی

اسلام آباد (ڈیلی پاکستان آن لائن) محکمہ موسمیات نے اسلام آباد سمیت مختلف علاقوں میں گرج چمک کے ساتھ بارش کی پیشگوئی کر دی۔

یہ بھی پڑھیں: ملک میں اس وقت جنگی ماحول ہے، محمود خان اچکزئی

اسلام آباد اور گرد و نواح کا موسم

نجی ٹی وی چینل ہم نیوز کے مطابق محکمہ موسمیات کا کہنا ہے کہ اسلام آباد اور اس کے آس پاس دن کے اوقات میں موسم شدید گرم رہنے کا امکان ہے، شام کو آندھی اور گرج چمک کے ساتھ چند مقامات پر بارش ہو سکتی ہے۔

یہ بھی پڑھیں: جنگ کے باعث پاکستان سے مشرق وسطیٰ کی آج بھی 55 پروازیں منسوخ

پنجاب میں موسمی صورتحال

پنجاب کے بیشتر اضلاع میں موسم شدید گرم اور خشک رہنے کی توقع ہے، پنجاب کے میدانی علاقوں میں گرد آلود ہوائیں چلنے کا بھی امکان ہے۔ شام کو راولپنڈی، گلیات، چکوال، جہلم اور گرد و نواح میں آندھی اور چند مقامات پر بارش ہونے کی توقع ہے۔

یہ بھی پڑھیں: ایوب خاں، ضیاء الحق اور پرویز مشرف کے صدارتی ادوار میں اقتصادی لحاظ اور فارن ریلیشنز میں پاکستان جمہوری ادوار کی نسبت زیادہ مستحکم اور آگے تھا

سندھ اور بلوچستان کی حالت

آج سندھ اور بلوچستان کے بیشتر اضلاع میں موسم شدید گرم اور خشک رہنے کا امکان ہے، بیشتر اضلاع میں گردآلود ہوائیں چلنے کا بھی امکان ہے۔

یہ بھی پڑھیں: اپوزیشن لیڈر اندر محصور ہیں، پارلیمنٹ لاجز کو تالے لگا کر بند کردیا گیا ہے، ایک قیدی کے لیے حق مانگنے کی سزا دی جا رہی ہے: مصطفیٰ نواز کھوکھر

خیبرپختونخوا کے لیے پیشگوئی

آج خیبرپختونخوا کے بیشتر اضلاع میں موسم گرم اور خشک رہنے کا امکان ہے، خیبرپختونخوا کے میدانی علاقوں میں موسم شدید گرم رہنے کی توقع ہے۔ دوپہر کے بعد میدانی علاقوں میں گرد آلود ہوائیں بھی چلنے کی توقع ہے۔

یہ بھی پڑھیں: نئے چیف جسٹس کی تقرری کیلئے جے یو آئی کے کامران مرتضیٰ بطور ممبر پارلیمانی کمیٹی نامزد

شمالی علاقوں کا موسمی حال

محکمہ موسمیات کے مطابق شام کو چترال، دیر، سوات، مالاکنڈ، مانسہرہ، شانگلہ، کوہستان، ایبٹ آباد، پشاور، کرم، کوہاٹ، وزیرستان اور گرد و نواح میں آندھی اور بارش کی پیشگوئی ہے۔

گلگت بلتستان اور کشمیر میں موسم

آج گلگت بلتستان میں دن کے اوقات میں موسم گرم اور خشک رہنے کا امکان ہے، شام کو یہاں چند مقامات پر تیز ہواؤں کے ساتھ بارش ہو سکتی ہے۔ کشمیر میں بھی دن کے اوقات میں موسم گرم رہے گا اور شام کو گرج چمک کے ساتھ بارش کا امکان ہے۔