ہاروی وائنسٹن دوبارہ ٹرائل میں بھی ریپ کے مجرم قرار

ہاروی وائنسٹن کو مجرم قرار

نیویارک (ڈیلی پاکستان آن لائن) ہولی وڈ کے بدنام زمانہ پروڈیوسر ہاروی وائنسٹن کو نیویارک میں جنسی جرائم کے کیس کے دوبارہ ٹرائل میں شہب مجرم قرار دے دیا گیا۔

یہ بھی پڑھیں: ملک و قوم کی حفاظت کے لیے کوشاں سیکیورٹی فورسز کی کامیابیوں کے لیے دعا گو ہیں: وزیر اعلیٰ مریم نواز

جیوری کا فیصلہ

خبر رساں ادارے ’ایسوسی ایٹڈ پریس‘ (اے پی) کے مطابق نیویارک کی عدالت میں جاری مقدمے میں جیوری نے وائنسٹن کو ایک الزام میں مجرم، دوسرے میں بری کردیا جب کہ تیسرے الزام پر عدالت نے فیصلہ محفوظ کرلیا ہے۔ جیوری نے فیصلہ دیا کہ 2006 میں ہاروی وائنسٹن پر پروڈکشن اسسٹنٹ مریم (ممی) ہیلی کے ساتھ ریپ کا الزام ثابت ہوا۔

یہ بھی پڑھیں: حکومت نے ای چالانز کا ہدف 95کروڑسے بڑھا کر ایک ارب 47کروڑ روپے مقررکردیا

سزا کا امکان

اس جرم کے ثابت ہونے کے بعد ہاروی وائنسٹن کو 25 سال قید کی سزا کا سامنا کرنا پڑسکتا ہے، یہ فیصلہ متاثرہ خاتون کی گواہی اور پیش کیے گئے شواہد کی بنیاد پر سنایا گیا۔

یہ بھی پڑھیں: چیف جسٹس پشاور ہائی کورٹ نے مخصوص نشستوں پر حلف برداری کیلئے گورنر کے پی کو نامزد کردیا۔

سابق ماڈل کا مقدمہ

دوسری جانب، سابق ماڈل کجا سکولا کی جانب سے دائر مقدمے میں، جس میں اُنہوں نے دعویٰ کیا تھا کہ 1991 میں جب وہ 17 سال کی تھیں تو وائنسٹن نے اُن پر جنسی حملہ کیا، جیوری نے ناکافی شواہد کی بنیاد پر وائنسٹن کو بری کردیا۔

یہ بھی پڑھیں: قومی اسمبلی میں عدلیہ، ججز کے کردار اور افواج پاکستان کے خلاف نہیں، صرف اسی گفتگو کی اجازت ہو گی جو آئین کے دائرے میں ہو، سردار ایاز صادق

تیسرا مقدمہ

تیسرے اور اہم مقدمے میں، جس میں جیسیکا من نے وائنسٹن پر ریپ کا الزام عائد کیا تھا، جیوری ابھی تک کسی متفقہ فیصلے تک نہیں پہنچ سکی ہے اور اس الزام پر مزید غور جاری ہے۔

یہ بھی پڑھیں: خانہ جنگی، متحد حکومت یا طاقت کا کنٹرول: باغی گروہوں کے قبضے کے بعد شام کا مستقبل کیا ہوگا؟

مقدمے کی بحالی

یہ مقدمہ اس وقت دوبارہ کھولا گیا جب اپریل 2024 میں نیویارک کی اعلیٰ عدالت نے 2020 میں سنائی گئی سزا کو کالعدم قرار دے دیا تھا۔ عدالت کا مؤقف تھا کہ مقدمے کے دوران غیر متعلقہ شواہد اور دیگر خواتین کی گواہیوں نے اصل کیس کو متاثر کیا، جس کے باعث دوبارہ ٹرائل کا آغاز ہوا۔

یہ بھی پڑھیں: ماہی گیروں نے گھوڑے جیسی شکل والی مچھلی پکڑ لی

وائنسٹن کی موجودہ صورتحال

ہاروی وائنسٹن، اس وقت کیلیفورنیا میں ایک علیحدہ کیس میں 16 سال قید کی سزا کاٹ رہے ہیں، اگر نیویارک میں تیسرے الزام میں بھی جرم ثابت ہوجاتا ہے تو انہیں مزید 25 سال قید کی سزا دی جاسکتی ہے اور اگر انہیں سزا نہ بھی سنائی جائے تو بھی وہ دوسرے مقدمے میں جیل میں ہی رہیں گے۔

می ٹو تحریک کا اثر

یہ مقدمہ ’می ٹو‘ تحریک کے تناظر میں نہایت اہمیت کا حامل ہے، جس نے دنیا بھر میں طاقتور افراد کے خلاف جنسی ہراسانی کے خلاف آواز بلند کرنے میں مدد دی۔ متاثرہ خواتین نے عدالت کے حالیہ فیصلے پر اطمینان کا اظہار کیا ہے۔