نواز شریف اور بلاول بھٹو کا بھارت میں طیارہ حادثے پر اظہار افسوس

نواز شریف اور بلاول بھٹو کا افسوس

اسلام آباد (ڈیلی پاکستان آن لائن) صدر مسلم لیگ ن نواز شریف اور چیئرمین پیپلز پارٹی بلاول بھٹو زرداری نے بھارت میں طیارے کے حادثے پر افسوس کا اظہار کیا ہے۔ ایک بیان میں سابق وزیراعظم نواز شریف نے بھارتی وزیراعظم نریندر مودی اور بھارتی عوام سے تعزیت کا اظہار کیا۔

یہ بھی پڑھیں: ایک اذان کی تکمیل کیلئے 22 شہادتیں: دنیا بھر میں آج یوم شہدائے کشمیر منایا جارہا ہے۔

نواز شریف کی ہمدردی

نواز شریف نے طیارہ حادثے میں قیمتی جانوں کے ضیاع پر متاثرہ خاندانوں سے ہمدردی کا اظہار کیا۔ انہوں نے کہا کہ یہ المناک سانحہ سرحدوں سے بالاتر ہوکر ہماری مشترکہ انسانیت کا احساس دلاتا ہے۔

یہ بھی پڑھیں: بجلی کی تقسیم کار کمپنیوں کی جانب سے اووربلنگ کے ذریعے 244 ارب بٹورنے کا انکشاف

بلاول بھٹو کا بیان

چیئرمین پیپلز پارٹی بلاول بھٹو زرداری نے بھی بھارت میں طیارے کے حادثے پر اظہار افسوس کیا۔ انہوں نے کہا کہ آج بھارت میں طیارہ گرنے کا دلخراش واقعہ پیش آیا ہے۔ سانحے پر بھارتی عوام سے ہمدردی اور اظہار تعزیت کرتے ہیں۔

آصفہ بھٹو کا موقف

خاتون اول اور رکن قومی اسمبلی آصفہ بھٹو زرداری نے بھی بھارتی طیارہ حادثے پر اظہار افسوس کیا اور کہا کہ ہماری ہمدردیاں متاثرہ افراد اور ان کے اہل خانہ کے ساتھ ہیں۔