بھارت میں طیارہ حادثے کے بعد امدادی سرگرمیوں کے لیے فوج طلب
احمدآباد میں مسافر طیارہ حادثہ
ممبئی(ڈیلی پاکستان آن لائن) بھارتی شہر احمدآباد میں مسافر طیارہ گر کر تباہ ہوگیا۔ حادثے کے مقام پر امدادی سرگرمیوں کے لیے فوج طلب کرلی گئی، جس کے نتیجے میں 130 بھارتی فوجی امدادی کارروائیوں کے لیے پہنچ گئے۔ بھارتی میڈیا کے مطابق اس حادثے میں سوار تمام 242 افراد ہلاک ہوگئے ہیں۔
یہ بھی پڑھیں: بیرونی خطرات جاری رہے تو اقوام متحدہ کے جوہری نگران ادارے کے ساتھ تعاون معطل کرسکتے ہیں: ایران
پولیس کی رپورٹ
پولیس چیف کے مطابق طیارہ حادثے میں کسی کے بچنے کا امکان نظر نہیں آرہا۔ طیارہ جس مقام پر گرا ہے وہاں بھی ہلاکتیں ہوئی ہیں۔ یہ طیارہ ڈاکٹروں کے ہوسٹل کی عمارت پر گرا، اور یہ لندن کے لیے اُڑان بھرنے کے بعد گر کر تباہ ہوا۔ مسافر طیارے میں 230 مسافر اور عملے کے 12 ارکان سوار تھے۔
یہ بھی پڑھیں: 12 سال قبل پسند کی شادی کرنے والی چار بچوں کی ماں کو والدین کے گھر میں قتل کردیا گیا۔
ہلاکتوں کی تفصیلات
خبر ایجنسی کی جانب سے جاری کردہ معلومات کے مطابق حادثے کا شکار طیارے میں 169 بھارتی، 53 برطانوی، ایک کینیڈین اور 7 پرتگالی مسافر سوار تھے۔ اس کے علاوہ، حادثے کے شکار طیارے میں 11 بچے بھی موجود تھے۔
یہ بھی پڑھیں: بھارت کا پاکستان کے ایف 16 اور جے ایف 17 گرانے کے دعوے پر عطا تارڑ کا منہ توڑ جواب
طیارے کی آخری رابطہ
دوسری جانب، بھارتی ڈی جی سول ایوی ایشن نے بتایا کہ طیارہ گرنے سے قبل کیپٹن نے 1 بج کر 39 منٹ پر مےڈے کی کال دی تھی۔ رپورٹس کے مطابق ایئر انڈیا کی اس پرواز میں گجرات کے سابق وزیرِ اعلیٰ روپانی بھی سوار تھے۔ اس حادثے کے بعد احمد آباد ایئرپورٹ فی الحال آپریشنل نہیں ہے اور تمام پروازیں عارضی طور پر معطل کر دی گئی ہیں۔
تکنیکی تفصیلات
حادثے کا شکار طیارہ بوئنگ 787-8 ڈریم لائنر تھا جس نے ایک بج کر 38 منٹ پر اُڑان بھری۔ اڑان بھرنے کے ایک منٹ سے بھی کم وقت کے بعد یہ 625 فٹ کی بلندی پر رابطہ منقطع کر گیا تھا۔
