شادی کا شوق ہے، چاہتی ہوں نخرے اٹھانے والا شوہر ملے:خدیجہ سلیم

خدیجہ سلیم کی شادی کی خواہش

کراچی (ڈیلی پاکستان آن لائن) اُبھرتی ہوئی اداکارہ خدیجہ سلیم کا کہنا ہے کہ انہیں شادی کا بہت شوق ہے اور وہ چاہتی ہیں کہ کوئی ایسا شخص ملے جو اُن کے نخرے اٹھائے۔

یہ بھی پڑھیں: فضل الرحمان کے تحفظات دور کر دیے : شیخ وقاص

عید مارننگ شو میں شرکت

ڈان کے مطابق خدیجہ سلیم حال ہی میں عید کے موقع پر ندا یاسر کے ’عید مارننگ شو‘ میں شریک ہوئیں، جہاں انہوں نے مختلف موضوعات پر گفتگو کی۔ اداکارہ نے بتایا کہ شوبز انڈسٹری میں آنے کے بعد ان کی کام چوری کی عادت ختم ہوگئی ہے، پہلے وہ بہت زیادہ کام چور تھیں۔

یہ بھی پڑھیں: 200 روپے مالیت کے پرائز بانڈ رکھنے والوں کیلیے خوشخبری

زندگی میں تبدیلیاں

انہوں نے کہا کہ میری امی میرے بہت نخرے اٹھاتی تھیں، لیکن شوبز میں آنے کے بعد ہر کام خود کرنا پڑتا ہے، زندگی اب کافی بدل گئی ہے، پہلے زندگی بہت آسان تھی، لیکن اب ہر چیز مشکل لگتی ہے۔

یہ بھی پڑھیں: میرا جسم میری مرضی کا مطلب فحاشی نہیں بلکہ خود مختاری ہے: میرا سیٹھی

جوانی کے دنوں میں پریشانی

خدیجہ سلیم نے بتایا کہ نوعمری میں اُن کے چہرے پر بہت زیادہ دانے تھے، تاہم دوائیوں کے استعمال سے وہ ختم ہوگئے۔

یہ بھی پڑھیں: پاکستانی کرکٹ ٹیم نے “برتھ ڈے گرل” کا دل توڑ دیا

اداکار فہد مصطفیٰ کے ساتھ کام کرنے کی خواہش

ایک سوال کے جواب میں انہوں نے کہا کہ وہ اداکار فہد مصطفیٰ کو بہت پسند کرتی ہیں اور اگر کبھی ان کے ساتھ کام کرنے کا موقع ملا تو وہ ضرور کریں گی۔

یہ بھی پڑھیں: ترکیہ میں زلزلے کے جھٹکے کے دوران شہری بالکونی سے کود گیا، پھر کیا ہوا؟ویڈیو دیکھیں

شادی کے لئے خوابوں کا شوہر

اداکارہ کا کہنا تھا کہ وہ چاہتی ہیں کہ اُن کا ہونے والا شوہر دکھنے میں بھی خوبصورت ہو، جس پر اکثر لوگ مجھ سے سوال کرتے ہیں کہ تمہیں ایسا شخص کیسے ملے گا؟ کیا آرڈر پر بنواؤگی؟ تو میں انہیں یہی جواب دیتی ہوں کہ میں اللہ میاں سے مانگ رہی ہوں اور وہ مجھے ایسا شوہر ضرور دیں گے۔

یہ بھی پڑھیں: وزیر اطلاعات اور ڈی جی آئی ایس پی آر آج سیاسی رہنماؤں کو بریفنگ دینگے

غیر ملکی مقام پر پروپوز کا خواب

خدیجہ سلیم نے مزید کہا کہ وہ چاہتی ہیں کہ ان کا شوہر کسی غیر ملکی مقام پر انہیں شادی کے لیے پروپوز کرے، شادی کی تقریبات شاندار ہوں اور وہ شخص ایسا ہو جو ان کے نخرے بھی خوب اٹھائے اور ان کی عادتیں اور بھی خراب کر دے۔

پاپولر ڈرامہ سیریل

خیال رہے کہ خدیجہ سلیم نے مقبول ڈراما سیریل ’میم سے محبت‘ میں دنانیر مبین کی بہن کا کردار ادا کیا تھا اور اسی کردار کے باعث وہ ناظرین میں خاصی مقبول ہوئیں۔