وزیر اطلاعات پنجاب عظمیٰ بخاری سے گوجرانوالہ پریس کلب کے نومنتخب عہدیداروں کی ملاقات

وزیر اطلاعات پنجاب کی ملاقات

لاہور(ڈیلی پاکستان آن لائن ) وزیر اطلاعات پنجاب عظمیٰ بخاری سے گوجرانوالہ پریس کلب کے نومنتخب عہدیداروں نے ملاقات کی، جس میں صحافتی امور، ادارہ جاتی تعاون اور مقامی میڈیا کو درپیش مسائل پر تبادلۂ خیال کیا۔

یہ بھی پڑھیں: ٹیوشن سینٹر کی چھت گر گئی، 3 بچوں سمیت 5 افراد جاں بحق، متعدد بچوں کے ملبے تلے دبے ہونے کا خدشہ

نومنتخب عہدیداروں کو مبارکباد

عظمیٰ بخاری نے نومنتخب صدر رانا انصر، سینئر نائب صدر شفقت عمران، نو منتخب سیکرٹری جنرل ذیشان طاہر، صدر گوجرانوالہ یونین آف جرنلسٹس یاسر جٹ، پاکستان فیڈرل یونین آف جرنلسٹس کے سینئر نائب صدر راجہ حبیب کو کامیابی پر مبارکباد پیش کی اور نیک تمناؤں کا اظہار کیا۔

یہ بھی پڑھیں: وفاق کو ترقیاتی بجٹ سے پیسے کاٹنے نہیں چاہیے تھے،مزمل اسلم

گوجرانوالہ پریس کلب کی بہتری کی ہدایت

وزیر اطلاعات نے نومنتخب باڈی کو ہدایت کی کہ گوجرانوالہ پریس کلب کو تمام صحافیوں کے لیے اوپن پلیٹ فارم بنایا جائے تاکہ آزادیٔ اظہار، پیشہ ورانہ تربیت اور اتحاد کو فروغ دیا جا سکے۔

یہ بھی پڑھیں: بیٹوں کی گرفتاری پر علیمہ خان کا دو ٹوک بیان۔۔۔کہتی ہیں جتنا مرضی دباؤ ڈال لیں، ڈرنے والوں میں سے نہیں ہیں

وفد کی دعوت اور دورۂ گوجرانوالہ

وفد کی جانب سے عظمیٰ بخاری کا شکریہ ادا کیا گیا اور انہیں گوجرانوالہ کے دورے کی دعوت دی گئی، جسے وزیر اطلاعات نے خوش دلی سے قبول کرتے ہوئے اعلان کیا کہ وہ جولائی کے پہلے ہفتے میں گوجرانوالہ کا دورہ کریں گی۔

دورے کے دوران وزیر اطلاعات نومنتخب عہدیداروں سے باقاعدہ حلف لیں گی اور پریس کلب کے اراکین سے خصوصی ملاقات بھی کریں گی۔

صحافی برادری اور حکومت پنجاب

عظمیٰ بخاری نے کہا کہ صحافی برادری جمہوریت کا ستون ہے اور حکومت پنجاب صحافت کے فروغ اور تحفظ کے لیے ہر ممکن اقدامات جاری رکھے گی۔