ٹیسٹ چیمپئن شپ فائنل؛ میچ کے سنسنی خیز مرحلے میں آسٹریلیا کا بڑا نقصان، اہم کھلاڑی زخمی

اسٹیو اسمتھ کی انجری

کینبرا (ویب ڈیسک) آئی سی سی ورلڈ ٹیسٹ چیمپئین شپ کے فائنل میں فیلڈنگ کرتے ہوئے آسٹریلوی کرکٹر اسٹیو اسمتھ انجری کا شکار ہوگئے۔

یہ بھی پڑھیں: سپریم کورٹ؛14نومبر کو آئینی بینچ کے سامنے 18 مقدمات سماعت کیلئے مقرر،کازلسٹ جاری

واقعہ کی تفصیلات

لارڈز کے تاریخی کرکٹ گراؤنڈ میں کھیلے جانے والے میچ میں جنوبی افریقا کی دوسری اننگز کے دوران کیچ تھامنے کی کوشش میں اسٹیو اسمتھ کو انجری کا سامنا کرنا پڑا، جس کے باعث انہیں فوری طور پر ہسپتال منتقل کردیا گیا ہے۔

یہ بھی پڑھیں: بے زبان جانوروں کے ساتھ تشدد کا ایک اور بہیمانہ واقعہ، جلال پور جٹاں میں نامعلوم افراد نے بھینس کی 2 ٹانگیں کاٹ دیں

کیچ کے دوران حادثہ

یہ واقعہ جنوبی افریقا کی دوسری اننگز کے 20ویں اوور میں پیش آیا جب مچل اسٹارک جنوبی افریقی کپتان ٹمبا باوما کی وکٹ لینے کے قریب پہنچے۔ ان کے بیٹ سے ایج نکلا لیکن سلپ میں کھڑے اسمتھ گیند پر لپکے، تاہم وہ کیچ تھامنے میں کامیاب نہ ہوسکے۔

یہ بھی پڑھیں: اسرائیلی حملے میں مزید درجنوں فلسطینی شہید، ملبے تلے چیخیں سنائی دیتی رہیں

چوٹ کی نوعیت

اس دوران اسٹیو اسمتھ کو انگلی پر چوٹ آئی، جس سے وہ شدید زخمی ہوگئے اور درد کے باعث انہیں میدان بدر ہونا پڑا۔ آسٹریلوی کرکٹر کو طبی امداد اور اسکین کیلئے ہسپتال منتقل کیا گیا ہے، جس کے بعد ان کی انجری کی نوعیت کا اندازہ کیا جا سکے گا۔

یہ بھی پڑھیں: پاکستان انویسٹرز فورم کے انتخابات 19 نومبر کو ہوں گے،چوہدری شفقت محمود اور مہر عبدالخالق لک کے کاغذاتِ نامزدگی جمع

میچ کی موجودہ صورتحال

ادھر آئی سی سی ورلڈ ٹیسٹ چیمپئین شپ کے فائنل کے تیسرے روز کے اختتام پر جنوبی افریقہ نے 2 وکٹوں کے نقصان پر 213 رنز بنا لیے ہیں اور جیت کے لیے محض 69 رنز درکار ہیں۔

یہ بھی پڑھیں: دوسروں کی خوشنودی کی ضرورت نہیں، اپنی اہمیت کیساتھ کسی کا تقابل ترک کر دیں، اس الجھن سے نجات پا لیں گے تو کامیابیاں حاصل کر سکیں گے.

بیٹر کی کارکردگی

مڈل آرڈر بیٹر ایڈن مارکرم 102 اور کپتان ٹیمبا باوما 65 رنز کے ساتھ کریز پر موجود ہیں۔

اسٹیو اسمتھ کا اعزاز

خیال رہے کہ دو روز قبل ٹیسٹ چیمپئین شپ کے فائنل میں اسٹیو اسمتھ لارڈز میں سب سے زیادہ رنز بنانے والے غیر ملکی کھلاڑی بننے کا اعزاز بھی حاصل کیا تھا۔