ملک بھر کے 47 ماحولیاتی نمونوں میں پولیو وائرس کی تصدیق
پولیو وائرس کی تصدیق
کراچی (ڈیلی پاکستان آن لائن) ملک بھر کے 47 ماحولیاتی نمونوں میں پولیو وائرس کی تصدیق ہوگئی۔
یہ بھی پڑھیں: ایلون مسک نے ٹرمپ انتظامیہ کو خیرباد کہہ دیا
انسداد پولیو پروگرام کی رپورٹ
نجی ٹی وی جیو نیوز نے پاکستان انسداد پولیو پروگرام کے حوالے سے بتایا کہ مئی میں 116 ماحولیاتی نمونے پولیو کی جانچ کیلئے جمع کیے گئے تھے۔ ان میں سے 69 ماحولیاتی نمونوں میں پولیو وائرس کی تصدیق نہیں ہوئی، جبکہ پولیو وائرس 34 اضلاع کے ماحولیاتی نمونوں میں پایا گیا۔
یہ بھی پڑھیں: پاکستان ریلویز نے عیدالاضحی پر سپیشل ٹرینوں کا شیڈول جاری کردیا
مختلف صوبوں میں پولیو وائرس کی موجودگی
پاکستان انسداد پولیو پروگرام نے یہ بھی بتایا کہ:
- سندھ کے 14 اضلاع میں پولیو وائرس کی تصدیق ہوئی
- خیبرپختونخوا کے 8 اضلاع میں پولیو وائرس کی تصدیق ہوئی
- بلوچستان کے 6 اضلاع میں پولیو وائرس کی تصدیق ہوئی
- پنجاب کے 4 اضلاع میں پولیو وائرس کی تصدیق ہوئی
یہ بھی پڑھیں: پاکستان بننے سے پہلے چمن سے روزانہ خصوصی گاڑی “فروٹ ایکسپریس” کے نام سے چلا کرتی تھی، افغانستان سے آنیوالا پھل کلکتہ تک بھیجا جاتا تھا۔
دیگر علاقوں میں پولیو وائرس
اس کے علاوہ گلگت بلتستان کے ایک ضلع کا ماحولیاتی نمونہ بھی مثبت پایا گیا، جب کہ اسلام آباد کے ماحولیاتی نمونے میں بھی پولیو وائرس کی تصدیق ہوئی۔
والدین کی ذمہ داری
پاکستان انسداد پولیو پروگرام کے مطابق تمام ماحولیاتی نمونوں میں جنگلی پولیو وائرس ٹائپ 1 پایا گیا ہے۔ ملک بھر میں 47 ماحولیاتی نمونوں میں پولیو وائرس کی موجودگی تشویشناک ہے، جو بچوں کی صحت کے لیے سنگین خطرہ ہے۔ والدین کو چاہیے کہ وہ اپنے بچوں کو بار بار پولیو کے قطرے ضرور پلائیں۔
