پاکستان کو FATF میں سفارتی فتح کیسے ملی ،عالمی برادری نےبھارتی پراپیگنڈےپر کیوں توجہ نہیں دی۔۔۔؟اہم تفصیلات جانیے

پاکستان کی FATF میں سفارتی فتح

لاہور (طیبہ بخاری سے) پاکستان کو FATF میں سفارتی فتح کیسے ملی؟ عالمی برادری نے بھارتی پراپیگنڈے پر کیوں توجہ نہیں دی؟ اس حوالے سے اہم تفصیلات سامنے آئی ہیں۔

یہ بھی پڑھیں: بینک سے کتنی نقد رقم نکلوانے پر کتنا ٹیکس دینا ہوگا؟ شرح میں تبدیلی کردی گئی۔

بھارتی حکمت عملی ناکام

آپریشن بنیان مرصوص میں ہزیمت اٹھانے کے بعد بھارتی حکومت نے پاکستان کو سفارتی سطح پر تنہا کرنے کے لیے لاکھوں جتن کیے۔ بھارتی حکومت کی جانب سے ذرائع ابلاغ اور سفارتی سطح پر پاکستان کے خلاف پروپیگنڈا اور الزام تراشی کی گئی مگر عالمی برادری کی جانب سے بھارتی بیانیے کو بالکل بھی پذیرائی نہیں ملی۔

یہ بھی پڑھیں: برطانیہ میں غلطی سے رہا ہونے والا ایتھوپیئن پناہ گزین جنسی زیادتی کا مجرم، دوبارہ گرفتاری کی کوششیں اور تحقیقات شروع

FATF اجلاس اور پاکستان کی حیثیت

بھارت کے سفارتی وفد کا بڑا ایجنڈا پاکستان کو FATF اجلاس میں ایک بار پھر گرے لسٹ میں شامل کروانے کا تھا، مگر آج ہونے والے اجلاس میں پاکستان کو پہلے سے جاری "رپورٹنگ" پر رکھتے ہوئے گرے لسٹ میں شامل نہیں کیا گیا، جس سے بھارت اپنے مطلوبہ نتائج حاصل کرنے میں مکمل طور پر ناکام ہو چکا ہے۔

یہ بھی پڑھیں: دریائے چناب اور جہلم سے ملحقہ ندی نالوں میں سیلاب کی وارننگ، متعلقہ محکموں کو الرٹ رہنے کا حکم

چین اور ترکی کی حمایت

فنانشل ایکشن ٹاسک فورس (FATF) کے ذیلی ادارے انٹرنیشنل کوآپریشن ریویو گروپ (ICRG) کا اجلاس آج ہوا، جس میں پاکستان کو گرے لسٹ میں شامل نہ کرنے کا فیصلہ کیا گیا۔ اجلاس کے دوران چین نے واضح مؤقف اختیار کرتے ہوئے پاکستان کے لیے ریلیف کی حمایت کی جبکہ ترکی نے چین کے مؤقف کی توثیق کی۔ جاپان نے بھی پاکستان کی مکمل حمایت کی، کیونکہ وہ ایشیاء پیسیفک گروپ (APG) کے شریک چیئرمین ہے۔

یہ بھی پڑھیں: سعودی عرب میں پاکستانی نوجوان عدیل احمد نے ایمانداری کی اعلیٰ مثال قائم کردی

سفارتی کامیابی

بھارت، جسے معرکۂ حق کے آپریشن بنیان مرصوص میں پاکستان کے ہاتھوں شکست کا سامنا کرنا پڑا تھا، کی پوری کوشش تھی کہ وہ کسی طرح FATF کو استعمال کرتے ہوئے پاکستان کو ایک بار پھر گرے لسٹ میں شامل کروا دے۔ مگر FATF کے رکن ممالک بھارت کی ہرزہ سرائی سے متاثر نہیں ہوئے اور پاکستان کی سفارتی کاوشوں کی وجہ سے یہاں بھی کامیابی ملی۔

یہ بھی پڑھیں: سینیٹ اجلاس تاخیر کا شکار، سینیٹرز ایک دروازے سے داخل ہوکر دوسرے سے باہر نکل گئے

پاکستان کی کامیاب اصلاحات

حقیقت پسندی سے جائزہ لیا جائے تو پاکستان اب تک FATF کی تمام ضروریات کو پورا کر چکا ہے اور اب اس کا کسی بھی لسٹ میں رہنے کا کوئی جواز نہیں ہے۔ یہ پاکستان کے لئے بہت بڑی فتح ہے کہ بھارت اور اسرائیل کی تمام سازشوں کے باوجود پاکستان کو گرے لسٹ میں شامل نہیں کیا گیا۔

یہ بھی پڑھیں: کراچی، صنعتی ایریا سے چادر میں لپٹی خاتون کی ملنے والی لاش کی شناخت ہو گئی

بھارتی خفیہ ایجنسی کی مہم

پاکستان کے خلاف پروپیگنڈا مہم میں بھارتی خفیہ ایجنسی "را" پیش پیش رہی ہے۔ "را" نے پاکستان کو عالمی سطح پر بدنام کرنے کے لیے نئی دہلی میں ایک ڈس انفو لیب بھی قائم کی، جس کا بنیادی مقصد بین الاقوامی برادری کو پاکستان کے حوالے سے گمراہ کرنا تھا۔ اس ڈس انفو لیب کے ذریعے مسلسل جھوٹا، من گھڑت اور بے بنیاد پروپیگنڈا کیا جاتا رہا تاکہ پاکستان کی ساکھ کو نقصان پہنچایا جا سکے۔

پاکستان کی عالمی ساکھ

بھارت جھوٹ اور فریب کے بل بوتے پر عالمی سطح پر ناکام ہو چکا ہے، جبکہ پاکستان نے شفاف اصلاحات اور ذمہ دار عالمی طرزِ عمل کے ذریعے خود کو ایک قابلِ اعتماد ریاست کے طور پر منوایا ہے۔ یہ لمحہ پاکستان کی سفارت کاری کی فتح اور بھارت کی سازشوں کی ناکامی کا عکاس ہے۔