اسرائیل، ایران تناؤ، فیلڈ مارشل سید عاصم منیر کا دورۂ واشنگٹن مزید اہمیت اختیار کر گیا

چیف آف آرمی سٹاف کا دورہ امریکہ

واشنگٹن (ڈیلی پاکستان آن لائن) چیف آف آرمی سٹاف فیلڈ مارشل سید عاصم منیر سرکاری دورے پر اس وقت امریکہ میں ہیں۔ یہ دورہ کئی مہینوں سے طے تھا اور اب یہ جغرافیائی طور پر ایک انتہائی اہم وقت پر ہو رہا ہے۔

یہ بھی پڑھیں: شہری تو دور، اسلام آباد میں پولیس بھی ڈاکوؤں کے نشانے پر، ایک اہلکار شہید

مشرق وسطیٰ میں نئی صورتحال

واشنگٹن میں ان کی موجودگی کے دوران مشرق وسطیٰ میں ایک نئی صورتحال سامنے آئی ہے، جس میں اسرائیل کی جانب سے ایران پر بلاجواز جارحیت نے خطے اور دنیا کے امن کو خطرات سے دوچار کردیا ہے۔ اس تناظر میں فیلڈ مارشل سید عاصم منیر کا دورۂ واشنگٹن مزید اہمیت اختیار کرچکا ہے۔

یہ بھی پڑھیں: لاہور آنے کے 2 ماہ بعد مجھے بطور ڈائریکٹر فیلڈ پروجیکٹس فیصل آباد تعینات کر دیا گیا، 1982ء میں گھر کا نقشہ بنوانے کی غرض سے آرکیٹیکٹ سے ملا۔

ایران کی صورتحال پر غور

فیلڈ مارشل سید عاصم منیر کی واشنگٹن میں موجودگی ایک موقع ہے کہ وہ خطے کے اہم معاملات، جیسے اسرائیلی جارحیت اور اس کے خطے پر ممکنہ اثرات، کو براہِ راست امریکی قیادت کے ساتھ زیرِ بحث لائیں۔ اس وقت فیلڈ مارشل کی موجودگی پاکستان کے دفاعی اور تزویراتی مفادات کے لیے اہم ہے اور یہ عالم اسلام کے خدشات اور تحفظات کو مؤثر انداز میں اجاگر کرنے کا ذریعہ بن سکتی ہے۔

یہ بھی پڑھیں: آئینی ترمیم کو شخصیات کے تنازع میں یرغمال نہ بنایا جائے: مولانا فضل الرحمان

سفارتی کوششیں

فیلڈ مارشل سید عاصم منیر کا دورہ نہ صرف ایک فوجی کمانڈر کے طور پر بلکہ ایک مؤثر سفارتی شخصیت کے طور پر بھی اہم ہے۔ ان کے حالیہ دوروں جیسے سعودی عرب، چین، اور اب امریکہ نے یہ ظاہر کیا ہے کہ وہ خطے میں امن و استحکام کے لیے پاکستان کے عزم کو عالمی سطح پر اجاگر کرنے کی کوشش کر رہے ہیں۔

یہ بھی پڑھیں: امریکی ٹیرف کے اثرات یورپی کرنسی پر بھی نمودار، پاکستانی روپے کے مقابلے میں یورو 8 روپے مہنگا

پاکستان کا بین الاقوامی امیج

فیلڈ مارشل عاصم منیر کی کوششوں کے ذریعے پاکستان ایک ذمہ دار ریاست کے طور پر اپنی بین الاقوامی سطح پر امیج کو بہتر بنانے کی راہ پر گامزن ہے۔ ان کے دوروں نے نہ صرف دو طرفہ دفاعی تعلقات کو مضبوط کیا ہے بلکہ دہشت گردی اور سرحدی سلامتی پر مشترکہ لائحہ عمل اختیار کرنے کی راہ بھی ہموار کی ہے۔

امریکہ کی جانب سے اعتراف

امریکہ پاکستانی مسلح افواج کے انسداد دہشت گردی کیخلاف کیے جانے والے اقدامات کی تعریف کرتا ہے، اور اکثر اس حوالے سے تہنیتی بیانات بھی سامنے آتے ہیں۔ حالیہ مثال امریکی سینٹرل کمانڈ جنرل کوریلا کا سینیٹ کی دفاعی کمیٹی میں دیا گیا بیان ہے، جس میں انہوں نے فیلڈ مارشل سید عاصم منیر کی انسداد دہشت گردی کے اقدامات کی تعریف کی۔