ایران کے اسرائیل پر حملے، امریکہ نے یوکرین سے میزائل دفاعی نظام مشرق وسطیٰ منتقل کر دیا

امریکہ کی جنگی تیاری

و ا شنگٹن(ڈیلی پاکستان آن لائن) ایران کے اسرائیل پر پے در پے حملوں کے بعد امریکہ نے یوکرین سے بعض میزائل دفاعی نظام مشرق وسطیٰ منتقل کردیے۔

یہ بھی پڑھیں: کوئی بات چیت نہیں ہو رہی، جو احتجاج کے لیے آئے گا گرفتار ہوگا، وزیر اطلاعات عطاء تارڑ

امریکی وزیردفاع کا بیان

نجی ٹی وی جیو نیوز کے مطابق امریکی وزیردفاع پیٹ ہیگسیتھ نے امریکی ٹی وی کو انٹرویو میں کہا کہ ان سے بار بار پوچھا جارہا ہے کہ آیا آپ نے بعض ڈرون ڈیفنس نظام یوکرین سے مشرق وسطیٰ منتقل کیا ہے تو میرا جواب ہاں میں ہے۔

یہ بھی پڑھیں: یو اے ای میں پاکستانی ویزوں پر مکمل پابندی نہیں، ترجمان دفتر خارجہ

خطے میں تحفظ کا عزم

پیٹ ہیگسیتھ کا کہنا تھا کہ ہم اپنے تمام تروسائل استعمال کررہے ہیں تاکہ اس خطے میں اپنے لوگوں کو بچائیں۔

یہ بھی پڑھیں: توشہ خانہ ٹوکیس؛ چشم دید گواہ سابق ملٹری سیکرٹری بریگیڈیئر(ر) محمد احمد کا بیان سامنے آ گیا

یوکرین کے صدر کا شکوہ

اس سے قبل یوکرین کے صدر زیلنسکی نے شکوہ کیا تھا کہ روس کے خلاف استعمال کے لیے یوکرین بھیجے جانے والے 20 ہزار میزائل مشرق وسطیٰ بھیج دیے گئے ہیں۔

یہ بھی پڑھیں: سونے کی عالمی اور مقامی مارکیٹوں میں قیمت کم ہو گئی

اسرائیلی مدد کا انکشاف

واضح رہے کہ گزشتہ روز امریکی ٹی وی نے دعویٰ کیا تھا کہ مشرق وسطیٰ کے ممالک نے بھی ایران کا حملہ روکنے میں اسرائیل کی مدد کی ہے۔

یہ بھی پڑھیں: خیبرپختونخوا: بنوں میں دہشتگردوں کی تھانے پر جدید کواڈ کاپٹر سے گولا باری

ٹکر کارلسن کی دعویٰ

اس کے علاوہ امریکہ کے معروف صحافی ٹکر کارلسن نے دعویٰ کیا ہے کہ صدر ڈونلڈ ٹرمپ ایران پر اسرائیل کے حملوں سے پیشگی آگاہ تھے۔

امریکہ کی شمولیت

ٹکر کارلسن نے کہا کہ امریکہ نہ صرف اس حملے سے واقف تھا بلکہ اس نے حملے میں اسرائیل کی مدد کی۔ سالوں سے جاری فوجی امداد، ہتھیاروں کی فراہمی اور رابطے اس بات کی علامت ہیں کہ جو کچھ اس وقت ہورہا ہے اس میں امریکہ شامل ہے، امریکہ گردن تک اس میں دھنسا ہوا ہے۔