اسرائیل ایران جنگ، 2 دن میں دنیا بھر کی 6 ہزار پروازیں منسوخ

اسرائیل اور ایران کی جنگ کے اثرات

تل ابیب (ڈیلی پاکستان آن لائن) اسرائیل اور ایران کے مابین جاری جنگ کے سبب دو دن میں دنیا بھر کی 6 ہزار پروازیں منسوخ کر دی گئی ہیں۔

یہ بھی پڑھیں: وزیراعلیٰ مریم نواز کی ”پنجاب دیہاڑ“ کی تقریب میں شرکت، پرتپاک استقبال، پنجاب کے حسین نظاروں پر مشتمل آرٹ نمائش کا افتتاح کیا

پروازوں کی منسوخی

نجی ٹی وی جیو نیوز نے ایوی ایشن ذرائع کے حوالے سے بتایا کہ ایران اسرائیل جنگ کے بعد سب سے زیادہ اسرائیل کا تل ابیب ایئر پورٹ متاثر ہوا ہے۔ اسی طرح دمشق، بغداد، تہران، بیروت اور امان کوئین ایئر پورٹ بھی مسلسل بند ہیں۔

یہ بھی پڑھیں: ایلون مسک کی ٹرمپ کابینہ میں نامزدگی کے بعد ایکس کے صارفین ‘بلیو سکائی’ کی طرف کیوں بڑھ رہے ہیں

فضائی حدود کی حالت

ذرائع کے مطابق ایران، شام کے شہر بغداد اور اسرائیل کی فضائی حدود 2 روز سے مسلسل بند ہیں۔ جبکہ اردن، لبنان اور شام کی فضائی حدود سے مخصوص پروازیں پیشگی اجازت کے تحت جزوی طور پر گزر سکی ہیں۔

یہ بھی پڑھیں: مغلپورہ ورکشاپ میں 24 گھنٹے کام ہوتا ہے، آج سے 74 سال پہلے انگریز اس ورکشاپ کو جس حالت میں چھوڑ کر گیا تھا آج بھی تقریباً ویسی ہی ہے۔

ایئر پورٹس کی تفصیلات

ذرائع کے مطابق اسرائیل کے تل ابیب ایئرپورٹ سے 44 ممالک کے لیے یومیہ 100 پروازیں آپریٹ کی جاتی ہیں۔ دوسری جانب اردن کے امان کوئین عالیہ ایئرپورٹ سے روزانہ 40 ملکوں کے 81 ایئرپورٹس کی پروازیں چلائی جاتی ہیں۔

شام کے دمشق ایئرپورٹ سے 13 ممالک کے 20 ایئرپورٹس پر سروس فراہم کی جاتی ہے۔ اسی طرح عراق کے بغداد ایئرپورٹ سے 18 ممالک کے 32 ایئرپورٹس کی پروازیں آتی جاتی ہیں۔ ایران کے تہران ایئرپورٹ سے 23 ملکوں کے 51 ایئرپورٹس پر فضائی سروس فراہم کی جاتی ہے، جبکہ لبنان کے بیروت ایئرپورٹ سے 26 ممالک کے 49 ایئرپورٹس کے لیے پروازیں چلائی جاتی ہیں۔

پروازوں کی منسوخی کی شرح

فلائٹ ریڈار کے ڈیٹا کے مطابق ان ایئرپورٹس کی ایک دن میں 3 ہزار پروازیں منسوخ ہو رہی ہیں، جبکہ بڑی تعداد میں پروازیں متاثر بھی ہوئی ہیں۔