چوتھی جماعت کے بچے کی ڈرائنگ بہتر ہوگی، عمران عباس کا کراچی ائیرپورٹ پر لگی پینٹنگ پر تبصرہ

عمران عباس کا دلچسپ تبصرہ

کراچی(ڈیلی پاکستان آن لائن)پاکستان کے مایہ ناز اداکار عمران عباس نے کراچی کے جناح انٹرنیشنل ائیرپورٹ پر لگی پینٹنگ پر دلچسپ تبصرہ کیا ہے۔

یہ بھی پڑھیں: ہم پہ لے آئے ہیں سیلاب قیامت کیا کیا۔۔۔

پینٹنگ پر ردعمل

نجی ٹی وی چینل جیو نیوز کے مطابق عمران عباس مختلف عوامی موضوعات پر اپنے خیالات کا اظہار کرتے نظر آتے ہیں، حال ہی میں انہوں نے کراچی کے ائیرپورٹ پر لگی پینٹنگ پر کمنٹ کیا۔

یہ بھی پڑھیں: اسلحہ ساز کمپنیوں نے گزشتہ سال کتنے سو ارب ڈالر کا جنگی سامان فروخت کیا۔۔؟ جان کر آپ حیران رہ جائیں

انسٹاگرام سٹوری میں شیئر کی گئی تصویر

اداکار نے پینٹنگ کو اپنی انسٹاگرام سٹوری پر شیئر کیا، پینٹنگ میں آرٹسٹ نے رات کا منظر دکھایا ہے جس میں چاند کے ساتھ ساتھ پانی اور کچھ پودوں کو بھی دیکھا جاسکتا ہے، بظاہر یہ پینٹنگ سمندر کی لگ رہی ہے۔

یہ بھی پڑھیں: وزیر اعظم شہباز شریف اور امریکی وزیر خارجہ مارکو روبیو کا ٹیلی فونک رابطہ، اہم معاملات پر تبادلہ خیال

تنقید کا اظہار

تاہم اداکار کو یہ آرٹ ایک آنکھ نہ بھایا ، انہوں نے کہا 'جناح ٹرمینل  پر آرٹ ورک،  کسی چوتھی جماعت کے بچے کی ڈرائنگ کلاس کا اسائمنٹ بھی اس سے بہتر ہوگا'۔

یہ بھی پڑھیں: ہائیکورٹ کا تاریخ ساز فیصلہ، گریڈ 20 اور 21 کے افسران سے گاڑیاں واپس لینے کا حکم

مزید سوالات

اداکار نے مزید لکھا کہ 'کیا ہمارے پاس پاکستان میں اس سے بہتر فنکار نہیں ہیں؟ یا اس شاہکار کے ساتھ کوئی اور خاص چیز منسلک ہے جس کے بارے میں ہم نہیں جانتے؟'

اداکاری میں کامیابی

واضح رہے اداکار عمران عباس نے ناصرف ڈرامہ بلکہ فلم انڈسٹری میں بھی اپنی اداکاری کے جوہر دکھا کر لوگوں کی توجہ حاصل کی ہے۔