سندھ: ماحول کی بہتری کیلئے پلاسٹک شاپنگ بیگز پر مکمل پابندی عائد
کراچی میں پلاسٹک بیگز پر پابندی
کراچی (ڈیلی پاکستان آن لائن) ماحولیاتی بہتری کے لیے سندھ میں آج سے پلاسٹک شاپنگ بیگز پر مکمل پابندی عائد کر دی گئی۔
حکومت کے اقدامات
نجی ٹی وی دنیانیوز کے مطابق سیکرٹری ماحولیات آغا شاہنواز نے کہا ہے کہ تمام صنعتیں، تھوک فروش اور ریٹیلرز پلاسٹک بیگز کا کاروبار بند کریں۔ اس حوالے سے مہلت دی گئی، آگاہی مہمات چلائی گئیں اور وارننگز بھی دی گئیں تاہم اب برداشت نہیں ہوگا۔
قانونی کارروائی
آغا شاہنواز کا کہنا ہے کہ پلاسٹک بیگز کی تیاری، ترسیل اور استعمال کو کسی صورت برداشت نہیں کیا جائے گا، اور خلاف ورزی پر جرمانے، گرفتاری اور فیکٹری کی بندش جیسے اقدامات ہوں گے۔
