جنوبی افریقن کپتان ٹیمبا باووما نے آسٹریلوی کھلاڑیوں پر سلیجنگ کا الزام لگا دیا

جنوبی افریقہ کی ورلڈ ٹیسٹ چیمپئن شپ کی فتح

لارڈز(ڈیلی پاکستان آن لائن) ورلڈ ٹیسٹ چیمپئن شپ کی فاتح جنوبی افریقی کرکٹ ٹیم کے کپتان ٹیمبا باووما نے آسٹریلوی کھلاڑیوں پر سلیجنگ کا الزام عائد کیا ہے۔ گزشتہ روز لارڈز اسٹیڈیم میں کھیلے گئے ٹیسٹ چیمپئن شپ فائنل کے چوتھے دن جنوبی افریقہ نے آسٹریلیا کو ہرا کر ٹیسٹ چیمپئن بننے کا اعزاز حاصل کیا۔

یہ بھی پڑھیں: خیبر پختونخوا حکومت نے انڈس ریور اور دریائے کابل کے کناروں پر غیر قانونی کان کنی اور پلَیسر گولڈ نکالنے پر دفعہ 144 کے تحت پابندی لگا دی

آسٹریلوی کرکٹرز کی جانب سے سلیجنگ

جنوبی افریقی کرکٹ ٹیم کے کپتان ٹیمبا باووما نے کہا ہے کہ چوتھے روز آسٹریلوی کرکٹرز ان کی ٹیم پر "چوکرز" کی آوازیں کستے رہے۔ یہ لفظ جنوبی افریقہ کو آئی سی سی ایونٹ میں ناک آؤٹ مرحلے میں شکست کا سامنا کرنے پر استعمال کیا جاتا ہے۔

یہ بھی پڑھیں: اتوار کو بھارت کو شکست دینے کے لیے میدان میں اتریں گے، بنگلہ دیش سے جیت کر سلمان علی آغا کا بیان

آسٹریلوی کھلاڑیوں کی سلیجنگ کی تاریخ

یاد رہے کہ آسٹریلوی کرکٹرز کھیل کے دوران مخالف ٹیم کے کھلاڑیوں پر جملے کسنے کے حوالے سے مشہور ہیں۔ اس بار بھی انہوں نے جنوبی افریقہ کے کھلاڑیوں کو نشانہ بنایا۔

تاریخی فتح کا موقع

جنوبی افریقہ 1998 چیمپیئنز ٹرافی کے بعد اب 27 سال بعد آئی سی سی ایونٹ جیتنے میں کامیابی حاصل کی ہے، جو ان کے لیے ایک تاریخی لمحہ ہے۔