ایران، اسرائیل تنازعہ، سعودی تیل کمپنی آرامکو کے شیئرز کی قیمتوں میں اضافہ

سعودی آرامکو کے حصص میں اضافہ

ریاض (ڈیلی پاکستان آن لائن) حالیہ ایران اور اسرائیل کے درمیان جاری کشیدگی کے باعث سعودی تیل کمپنی آرامکو کے حصص میں اضافہ ریکارڈ کیا گیا ہے، جو ہفتے کے پہلے کاروباری دن کے دوران سعودی اسٹاک ایکسچینج میں 1.76 فیصد بڑھ گئے۔

یہ بھی پڑھیں: عالمی اور مقامی مارکیٹ میں سونے کی قیمتوں میں کمی

حصص کی نئی قیمتیں

سعودی گزٹ کی رپورٹ کے مطابق آرامکو کے حصص گزشتہ سیشن میں 24.96 ریال (6.65 امریکی ڈالر) پر بند ہوئے تھے، جو اب بڑھ کر 25.40 ریال (6.77 امریکی ڈالر) پر بند ہوئے ہیں۔

یہ بھی پڑھیں: بڑی خبر ۔۔۔چین نے دنیا کے پہلے سپر ڈیم کی تعمیر کا آغاز کر دیا، کتنی توانائی فراہم کرے گا، لاگت کیا ہوگی۔۔؟ اہم تفصیلات جانیے۔

عالمی منڈی میں تیل کی قیمتوں میں اضافہ

الجزیرہ کے مطابق عالمی منڈی میں برینٹ کروڈ آئل کی قیمت میں بھی نمایاں اضافہ دیکھنے میں آیا ہے، جو 4.87 ڈالر یا 7.02 فیصد کے اضافے کے ساتھ 74.23 ڈالر فی بیرل تک جا پہنچی۔

عالمی توانائی سلامتی پر خدشات

اسرائیل اور ایران کے درمیان جاری حملوں کے تبادلے کے باعث توانائی کی عالمی سلامتی پر خدشات میں اضافہ ہوا ہے، جس کے نتیجے میں تیل کی قیمتوں میں ممکنہ اضافے کا خطرہ ظاہر کیا جا رہا ہے، کیونکہ مشرقِ وسطیٰ سے تیل کی برآمدات متاثر ہونے کا امکان ہے۔