اسرائیلی حملے کی مذمت نہیں، ہم ایران کے شانہ بشانہ کھڑے ہونے کا اعلان کر رہے ہیں: فضل الرحمان

حیدر آباد میں خطاب

حیدر آباد (ڈیلی پاکستان آن لائن) جمعیت علمائے اسلام کے سربراہ مولانا فضل الرحمان نے کہا ہے کہ ہم ایران پر اسرائیل کے جارحانہ حملے کی صرف مذمت نہیں کررہے بلکہ ہم ایران کے شانہ بشانہ کھڑے ہونے کا اعلان کر رہے ہیں۔

یہ بھی پڑھیں: بونیر میں 14 سالہ لڑکے سے مبینہ زیادتی، پولیس افسر گرفتار، مقدمہ درج

امن کے داعی

نجی ٹی وی جیو نیوز کے مطابق حیدر آباد میں ملین مارچ سے خطاب میں مولانا فضل الرحمان کا کہنا تھا کہ ہم جنگ کے حامی نہیں، امن کے داعی ہیں۔ سندھ اور سندھ کے عوام کو بدامنی کی شکایت ہے، یقیناً بد امنی سب سے بڑا مسئلہ ہے۔ اگر امن نہیں تو معیشت نہیں، کاروبار نہیں اور تعلیم نہیں۔

یہ بھی پڑھیں: امریکا نے ایران کی جانب بڑی فورس روانہ کردی، جنگی بحری جہاز اور طیارے شامل

جمعیت کا کردار

انہوں نے کہا کہ قیام امن کیلئے جمعیت کا ایک ایک کارکن میدان عمل میں ہے۔ ہم نے سندھ میں بھی امن قائم کرنا ہے۔

یہ بھی پڑھیں: اسرائیل کو اس غیرذمہ دارانہ جارحیت اور سنگین سٹریٹجک غلطی پر گہرا افسوس ہوگا، ایران نے سلامتی کونسل کو خط جمع کرادیا

اسرائیل کی حقیقت

ان کا کہنا تھا کہ اسرائیل عرب دنیا میں نہیں بلکہ اسلامی دنیا میں ناسور کی حیثیت رکھتا ہے۔ اسرائیل کو اپنا خون چاٹنا پڑے گا۔ اسرائیل ڈیڑھ سال سے مسلسل غزہ میں بمباری کر رہا ہے جس سے 60 ہزار لوگ شہید کر دیے گئے۔ اقوام متحدہ کی کون سی قرارداد ہے جو اس طرح انسانیت کو قتل کرنے کی اجازت دیتی ہے؟

یہ بھی پڑھیں: سندھ ہائیکورٹ: کراچی میں ای چالان کے خلاف درخواست، آئی جی سندھ اور ڈی آئی جی ٹریفک سے جواب طلب

اقوام متحدہ اور امریکہ

مولانا فضل الرحمان کا کہنا تھا کہ اقوام متحدہ آج امریکہ کی لونڈی ہے، جیسا امریکہ ہانکے ویسے ہی فیصلے کرتی ہے۔ عام انسانیت کا قتل، ایک قوم کی نسل کشی کرنا کیا انسانی اور جنگی جرم نہیں؟ نیتن یاہو ایک جنگی مجرم ہے اور عالمی عدالت نے گرفتار کرنے کا حکم دیا ہے، لیکن کوئی بھی عالمی عدالت کے حکم پر عمل کیلئے تیار نہیں۔

یہ بھی پڑھیں: سونے کی فی تولہ قیمت میں 3700روپے اضافہ

عالمی سچائیاں

انہوں نے کہا کہ اگر کویت پر صدام حسین قبضہ کرتا ہے تو امریکہ یورپ لاؤ لشکر کے ساتھ اتر جاتا ہے اور اسے پھانسی پر لٹکاتا ہے۔ کب تک انسانیت سوتی رہے گی؟ جے یو آئی آج جھنجھوڑنے کا فرض نبھا رہی ہے۔ آج اگر ایران کی باری ہے تو کل سعودی عرب یا پاکستان کی باری ہو سکتی ہے۔

یہ بھی پڑھیں: پولیس کی حماد اظہر کے گھر آمد، ملازمین سے پوچھ گچھ

مسلمانوں کا عزم

مولانا فضل الرحمان کا کہنا تھا کہ میں اعلان کرتا ہوں کہ جس طرح آج مسجد اقصیٰ کی آزادی کیلئے کھڑے ہیں، اگر انہوں نے حرمین کی طرف نگاہ کی تو ہر مسلمان اپنا خون بہانے کو تیار ہوگا۔

اسلامی دنیا کا پیغام

ان کا مزید کہنا تھاکہ دنیا بدل رہی ہے لیکن اسلامی دنیا کو آج بھی سمجھ نہیں آ رہی۔ ایران اسلامی برادری کا حصہ ہے، اور ایران پر اسرائیل کے جارحانہ حملے کی صرف مذمت نہیں کررہے بلکہ ہم ایران کے شانہ بشانہ کھڑے ہونے کا اعلان کر رہے ہیں۔