ٹرمپ نے آیت اللہ خامنہ ای کو شہید کرنے کا اسرائیلی منصوبہ رد کردیا تھا، خبر رساں ادارہ
نیویارک میں امریکی صدر کی پوزیشن
نیویارک (ویب ڈیسک) عالمی خبر رساں ادارے نے کہا ہے کہ امریکی صدر نے آیت اللہ علی خامنہ ای کو شہید کرنے کی کارروائی کی مخالفت کی۔
یہ بھی پڑھیں: بھارتی شہر ہریدوار میں مندر میں بھگدڑ مچنے سے 6 افراد ہلاک
ٹرمپ کا اسرائیلی منصوبے پر ویٹو
برطانوی روزنامے ٹیلیگراف کی رپورٹ کے مطابق دو امریکی حکام نے عالمی خبر رساں ایجنسی رائٹرز کو بتایا کہ ڈونلڈ ٹرمپ نے ایرانی سپریم لیڈر آیت اللہ علی خامنہ ای کو قتل کرنے کے اسرائیلی منصوبے کو ویٹو کر دیا تھا۔
یہ بھی پڑھیں: غلطیوں پر معافی مانگتا ہوں، سوشل میڈیا کا بائیکاٹ کر دیا: کرکٹر احسان اللہ
امریکی اہلکار کا بیان
ایک امریکی اہلکار کا کہنا تھا کہ ’کیا ایرانیوں نے ابھی تک کسی امریکی کو قتل کیا ہے؟ نہیں، جب تک وہ ایسا نہیں کرتے، ہم سیاسی قیادت کو نشانہ بنانے پر بات بھی نہیں کر رہے۔’
یہ بھی پڑھیں: لیاری میں عمارت گرنے کا واقعہ، وزیرِ بلدیات سعید غنی نے بطور وزیر ذمہ داری قبول کرلی
نیتن یاہو کا انٹرویو
فاکس نیوز کے ایک انٹرویو کے دوران جب وزیر اعظم بنیامین نیتن یاہو سے ٹرمپ کے مبینہ ویٹو کے بارے میں پوچھا گیا تو انہوں نے اس کی تردید کرتے ہوئے کہا کہ ’ایسی بہت سی جھوٹی رپورٹس سامنے آتی ہیں جن میں ایسی گفتگو کا ذکر ہوتا ہے جو کبھی ہوئی ہی نہیں، میں اس پر بات نہیں کروں گا۔’
یہ بھی پڑھیں: تقسیم اس طرح ہوئی کہ ریلوے لائن سرحد کے ساتھ ساتھ چلتی رہی، دشمن کے جہاز آسانی سے پٹریوں اور دیگر تنصیبات کو نقصان پہنچا کر چلے گئے
ایران پر حملے کی اجازت کا تنازع
اس بارے میں متضاد بیانات سامنے آئے ہیں کہ آیا صدر ٹرمپ نے جمعہ کے روز ایران پر حملہ شروع کرنے کی اجازت دی تھی یا نہیں، انہیں اس کارروائی کے بارے میں ہفتے کے اوائل میں آگاہ کر دیا گیا تھا۔
یہ بھی پڑھیں: مثالی کردار کا عملی ثبوت۔۔۔پاک بحریہ کا سمندر میں زخمی بھارتی عملے کو بچانے کے لیے کامیاب ریسکیو آپریشن
امن معاہدے کی ضرورت
صدر ٹرمپ نے اتوار کے روز اسرائیل اور ایران کے درمیان امن معاہدے کی ضرورت پر زور دیا اور اپنے سوشل میڈیا پلیٹ فارم ٹروتھ سوشل پر لکھا: ’جلد ہی اسرائیل اور ایران کے درمیان امن ہوجائے گا! اس وقت بہت سی کالز اور ملاقاتیں جاری ہیں۔’
یہ بھی پڑھیں: وہ وقت دور نہیں جب چین معاشی سپر پاور ہوگا : اسحاق ڈار
ایرانی سپریم لیڈر پر اسرائیل کی حکمت عملی
قبل ازیں اسرائیل کے ایک سینئر عہدیدار نے کہا کہ ایران کے سپریم لیڈر آیت اللہ علی خامنہ ای پر حملے کو بھی اسرائیل کی حکمتِ عملی سے خارج نہیں کیا گیا ہے۔
آیت اللہ خامنہ ای کا مقام
دی یروشلم پوسٹ کے مطابق ایک اسرائیلی عہدیدار نے ہفتہ کے روز امریکی اخبار ’وال اسٹریٹ جرنل‘ سے بات کرتے ہوئے کہا کہ آیت اللہ علی خامنہ ای اسرائیل کی ایران کے جوہری پروگرام کو تباہ کرنے کی کوششوں میں ’ناقابلِ ہدف‘ نہیں ہیں۔
