خیبرپختونخوا میں سکیورٹی فورسز کی مختلف کارروائیوں میں 5 خوارج ہلاک
خیبرپختونخوا میں سکیورٹی فورسز کی کارروائیاں
راولپنڈی(ڈیلی پاکستان آن لائن) خیبرپختونخوا میں سکیورٹی فورسز کی مختلف کارروائیوں میں 5 خوارج ہلاک ہوگئے۔
یہ بھی پڑھیں: ایرانی قیادت اور عوام پر مکمل اعتماد ہے، پرامن اور مستحکم ایران پاکستان کے مفاد میں ہے: ترجمان دفتر خارجہ
پاک فوج کی کامیابی
پاک فوج کے شعبہ تعلقات عامہ (آئی ایس پی آر) کے مطابق خیبرپختونخوا میں سیکیورٹی فورسز کی 2 مختلف کارروائیوں میں بھارتی حمایت یافتہ 5 خوارج ہلاک ہوگئے۔
یہ بھی پڑھیں: بانی پی ٹی آئی کے پاس جیل میں 6 بڑی بیرکس، باورچی اور ایکسرسائز مشینیں ہیں: طلال چودھری
پشاور میں آپریشن
ترجمان پاک فوج کے مطابق خفیہ اطلاعات پر سیکیورٹی فورسز نے پشاور میں آپریشن کے دوران خوارج کے ٹھکانوں کا گھیراؤ کرلیا، فائرنگ کے تبادلے میں 4 بھارتی حمایت یافتہ خوارج ہلاک ہوگئے۔ ہلاک ہونے والوں میں خارجی حارث، خارجی بصیر بھی شامل ہیں۔
یہ بھی پڑھیں: قانون سازوں کی تنخواہیں اور ٹیکسز بڑھنے، سہولیات کی کمی پر سینئر صحافی رؤوف کلاسرا برس پڑے۔
شمالی وزیرستان کی کارروائی
آئی ایس پی آر کے مطابق دوسری کارروائی خیبرپختونخوا کے ضلع شمالی وزیرستان میں کی گئی، جس میں ایک دہشت گرد انجام کو پہنچ گیا۔
ہلاک خوارج کا قبضہ
بیان کے مطابق ہلاک خوارج کے قبضے سے اسلحہ اور گولہ بارود برآمد کرلیا گیا، ہلاک خوارج دہشت گردی کی متعدد کارروائیوں میں ملوث تھے۔
