عراق میں پھنسے 268 پاکستانی وطن پہنچ گئے: دفتر خارجہ

پاکستانیوں کی عراق سے واپسی

اسلام آباد (ڈیلی پاکستان آن لائن) وزارت خارجہ نے کہا ہے کہ عراق میں پھنسے 268 پاکستانیوں کی واپسی ممکن بنائی گئی ہے، جبکہ باقی زائرین کی واپسی کے لیے کوششیں جاری ہیں۔

یہ بھی پڑھیں: اسد حکومت کا خاتمہ، اسرائیل کا تاریخ کا سب سے بڑا فضائی آپریشن، شام کے مزید علاقوں پر قبضہ، آرمی، فضائیہ اور بحریہ کو تباہ کرکے رکھ دیا

ترجمان دفتر خارجہ کا بیان

ترجمان دفتر خارجہ شفقت علی خان نے بتایا کہ ایران اسرائیل جنگ کی وجہ سے 268 پاکستانیوں کی واپسی ممکن ہوئی ہے۔ خصوصی پروازیں ان پاکستانیوں کو بصرہ سے لے کر کراچی اور اسلام آباد پہنچا چکی ہیں۔

یہ بھی پڑھیں: آذربائیجان کی یوم آزادی پر ترکیہ، پاکستان کے رہنماو¿ں کی شرکت دوستی کی عکاس ہے: الہام علیوف

وزارت خارجہ کے اقدامات

انہوں نے مزید کہا کہ وزارت خارجہ کا عراقی ایئر ویز اور حکام سے مسلسل رابطہ ہے۔ انہوں نے زائرین کو ہدایت جاری کی کہ وہ سفارتخانے اور ایئر لائن سے رابطے میں رہیں اور مختصر نوٹس پر سفر کے لیے تیار رہیں۔

یہ بھی پڑھیں: راستے بند ، تحریک انصاف نے حکمت عملی بدل لی ، لاہور اور دیگر شہروں میں احتجاج کیسے ریکارڈ کروایا جائے گا ؟اہم تفصیلات سامنے آ گئیں

مزید پاکستانیوں کی آمد

ترجمان دفتر خارجہ نے یہ بھی کہا کہ وزارت خارجہ تمام پاکستانیوں کی محفوظ واپسی کے لیے پرعزم ہے۔ قبل ازیں آج ایران سے مزید 350 پاکستانی زائرین اور طلبہ تفتان پہنچے تھے۔

تفتان پہنچنے والے زائرین

ڈان نیوز کے مطابق، ذرائع نے بتایا کہ ایران سے پہنچنے والے زیادہ تر زائرین ہیں، جبکہ ان میں 45 طلبہ بھی شامل ہیں۔ تفتان پہنچنے والے زائرین اور طلبہ کو کوئٹہ روانہ کیا جائے گا۔