سینیٹ اجلاس میں اپوزیشن نے بجٹ کو “امیر پرور” اور “غریب کش” قرار دے دیا

سینیٹ اجلاس میں حکومت کی سخت تنقید

اسلام آباد (ڈیلی پاکستان آن لائن) سینیٹ اجلاس میں حکومت کو سخت تنقید کا سامنا رہا، اپوزیشن نے بجٹ کو امیر پرور اور غریب کش قرار دے دیا اور حکومتی پالیسیوں پر تنقید کرتے ہوئے معاشی مشکلات، قومی پالیسیوں اور پارلیمانی کارکردگی پر تحفظات کا اظہار کیا۔

یہ بھی پڑھیں: پنجاب بورڈز آف انٹرمیڈیٹ اینڈ سیکنڈری ایجوکیشن (ترمیمی) آرڈیننس 2025 تیار

پہلا باب: اجلاس کی تفصیلات

نجی ٹی وی آج نیوز کے مطابق سینیٹ اجلاس چیئرمین یوسف رضا گیلانی کی زیر صدارت ہوا، اجلاس میں حکومت کے بجٹ اور قومی سلامتی کی صورتحال پر بحث ہوئی۔

یہ بھی پڑھیں: مشرق وسطیٰ میں جاری کشیدگی خطرناک ہے، سفارت کاری امن کا واحد راستہ ہے ، دفتر خارجہ

سینیٹر علی ظفر کی تنقید

سینیٹر علی ظفر نے بجٹ کو عوام دشمن اور معیشت شکن قرار دیتے ہوئے کہا کہ حکومت صرف بانی پی ٹی آئی عمران خان کو جیل میں رکھنے کی کوششوں پر توجہ دے رہی ہے جبکہ مہنگائی، بے روزگاری اور غربت انتہا پر ہے۔

یہ بھی پڑھیں: سیاسی جماعتوں کو ملکر ملک کو بحرانوں سے نکالنے کا فیصلہ کرنا ہوگا: خالد مقبول صدیقی

معاشی چالیں اور عوام کی مشکلات

ان کا کہنا تھا کہ ٹیکسز کی بھرمار سے معیشت کا پہیہ جام ہو جائے گا، ایف بی آر کو دیے گئے اختیارات خوف و ہراس پھیلانے کا ذریعہ ہیں اور سولر پر ٹیکس لگا کر حکومت گرین انرجی کی باتوں سے منحرف ہو رہی ہے۔

انہوں نے مزید کہا کہ یہ بجٹ ہمیں تباہی کی طرف لے کر جا رہا ہے، بجٹ میں ترقی کے لیے کوئی حکمت عملی نظر نہیں آئی، عدلیہ کے جھوٹے فیصلوں کے اوپر وسائل کا استعمال کیا جا رہا ہے، پی ٹی آئی اس بجٹ کے لیے ووٹ نہیں دے گی، یہ بجٹ اگر منظور ہوتا ہے تو تباہی کا سبب بنے گا۔

یہ بھی پڑھیں: ایرانی پاسداران انقلاب نے آبنائے ہرمز بند کرنے کا اعلان کر دیا

حکومت کی پالیسیوں پر مزید تنقید

سینیٹر علی ظفر کا کہنا تھا کہ حکومت غربت پر بمباری کر رہی ہے، حکومت کا مڈل کلاس کو ختم کرنے کا منصوبہ ہے، بجٹ کو نہیں مانتے، کسانوں اور مڈل کلاس کے ساتھ ہیں۔

یہ بھی پڑھیں: رجب بٹ اور وکلاء میں مذاکرات سے پہلے نیا تنازع شروع

بجٹ پر دیگر سینیٹرز کی آرا

سینیٹر دوست محمد اور سینیٹر مسرور احسن نے بجٹ کو ایلیٹ کلاس کا بجٹ قرار دیتے ہوئے کہا کہ اس میں کراچی، بلوچستان، اور فاٹا جیسے پسماندہ علاقوں کو نظر انداز کیا گیا ہے۔ سینیٹر دوست محمد خان نے کہا کہ یہ بجٹ صرف ایلیٹ کلاس کے لیے ہے۔

کراچی اور فاٹا کے مسائل

ان کا مزید کہنا تھا کہ بجٹ عوام کی سہولت کے لیے بنایا جاتا ہے، مگر یہاں ایسا نہیں ہوتا، فاٹا کے عوام کے حقوق پر دن دیہاڑے ڈاکہ ڈالا گیا، فاٹا کے 85 فیصد لوگ غربت کی لکیر سے نیچے ہیں۔

یہ بھی پڑھیں: پاکستان برٹش بزنس فورم کا تیسرے سالانہ کنونشن، علامہ اقبال نے نوجوانوں کو وہ سوچ عطا کی جس سے کامیابی کی منازل طے کر سکتے ہیں، وقار ملک

سینیٹر سیف اللہ ابڑو کی تنقید

سینیٹر سیف اللہ ابڑو نے پارلیمنٹ میں حاضری کے فقدان پر حکومت کو آڑے ہاتھوں لیا۔ انہوں نے کہا کہ منصوبے میں ڈس کوالیفائی ہوجانے پر بھی دوسری کمپنیوں کو دے دیا جاتا ہے۔

یہ بھی پڑھیں: پاک، بھارت جنگ بندی کے باوجود ملک بھر کی 150 پروازیں منسوخ

اجلاس میں دیگر اہم مسائل

اجلاس میں سینیٹر اسحاق ڈار نے ایوان کو یو این اجلاس، ایران سے رابطوں اور فیک نیوز کے خطرات سے آگاہ کیا۔ سینیٹر شبلی فراز نے کہا کہ جو ایران کے ساتھ ہوا، وہ کل پاکستان کے ساتھ بھی ہو سکتا ہے۔