ایران۔ اسرائیل جنگ، پاکستان نے کیا چیز ذخیرہ کرنا شروع کر دی؟ بڑی خبر

ایران اسرائیل جنگ اور پاکستان کی پیٹرولیم صورتحال

اسلام آباد (ویب ڈیسک) وزیر خزانہ محمد اورنگزیب نے کہا ہے کہ ایران اسرائیل جنگ کے پیش نظر ملک میں پیٹرولیم مصنوعات کی سپلائی اور سٹاکس کا جائزہ لیا جا رہا ہے۔

یہ بھی پڑھیں: سول ڈیفنس کو جدید خطوط پر استوار کرنے کیلئے 500 ملین روپے کے فنڈز جاری

خزانہ کمیٹی کا اجلاس

نجی ٹی وی ’’ایکسپریس نیوز‘‘ کے مطابق سید نوید قمر کی زیر صدارت قائمہ کمیٹی خزانہ کے اجلاس میں اپوزیشن لیڈر عمر ایوب خان نے کہا کہ ایران ،اسرائیل جنگ کی وجہ سے تیل کی قیمتوں میں اضافہ ہو رہا ہے۔

یہ بھی پڑھیں: فضل الرحمن کا مدارس بل پر حکومت سے مذاکرات سے صاف انکار

ایران کا تیل کی پیداوار میں کردار

انہوں نے کہا کہ ایران تیل پیدا کرنے والا دنیا کا چھٹا بڑا ملک ہے، آبنائے ہرمز سے تیل کی سپلائی دنیا بھر میں متاثر ہوسکتی ہے، جس کی وجہ سے آئندہ سال کے کرنٹ اکاؤنٹ خسارے پر اثرات پڑ سکتے ہیں۔

یہ بھی پڑھیں: چیمپئنز ٹرافی معاملہ، محسن نقوی گزشتہ روز چپکے سے کہاں گئے تھے؟ سینئر صحافی کا تہلکہ خیز دعویٰ

پاکستان کی تیل کی درآمدات پر اثرات

عمر ایوب نے کہا کہ جنگ کی وجہ سے پاکستان کے تیل کی درآمد بڑھ سکتی ہے اور پاکستان کا بجٹ خسارہ بھی بڑھ سکتا ہے۔

وزیر خزانہ کا بیان

وزیر خزانہ محمد اورنگزیب نے کمیٹی کو بتایا کہ علاقائی صورتحال کا بغور جائزہ لیا جا رہا ہے۔ وزیر اعظم نے ایران اسرائیل جنگ کی وجہ سے تیل کی قیمتوں کا جائزہ لینے کے لیے اعلیٰ سطحی کمیٹی قائم کر دی ہے جس کا پہلا اجلاس ہوچکا ہے، اور اب تیل کی سپلائی اور ذخائر کا جائزہ لیا جا رہا ہے۔