اسرائیل اور امریکہ کا اگلا ٹارگٹ پاکستان ہے: حافظ نعیم الرحمان

پاکستان کا ممکنہ ٹارگٹ

لاہور (ڈیلی پاکستان آن لائن) امیر جماعت اسلامی حافظ نعیم الرحمان نے کہا ہے کہ اسرائیل اور امریکہ کا اگلا ٹارگٹ پاکستان ہے۔

یہ بھی پڑھیں: بھارت میں دیور اور بھابھی نے محبت میں مبتلا ہو کر انتہائی بڑا قدم اٹھا لیا

امریکہ کی دوغلی پالیسی

نجی ٹی وی دنیا نیوز کے مطابق حافظ نعیم الرحمان نے منصورہ لاہور میں پریس کانفرنس کرتے ہوئے کہا ہے کہ امریکہ سب سے منافق قوت کے طور پر سامنے آیا ہے۔ ایک طرف جنگ بندی کی بات کر رہا ہے اور دوسری طرف اسرائیل کو فوجی امداد فراہم کررہا ہے۔

یہ بھی پڑھیں: امیربالاج قتل کیس؛جے آئی ٹی نے گوگی بٹ کو گناہ گار قرار دیدیا

ایران کے خلاف الزامات

حافظ نعیم الرحمان نے کہا کہ ایران پر ایٹمی ہتھیاروں کا الزام لگایا جا رہا ہے، جبکہ حقیقت یہ ہے کہ امریکہ نسل کشی اور ناحق قتل عام کرتا ہے۔ تمام مسلم ممالک ایران کے ساتھ ہیں۔

یہ بھی پڑھیں: قومی اقتصادی کونسل نے معاشی اہداف اور ترقیاتی پلان کی منظوری دیدی

گریٹر اسرائیل کا خواب

انہوں نے مزید کہا کہ کچھ ممالک جو اسرائیل کی پشت پناہی کر رہے ہیں وہ یاد رکھیں کہ ان کا خواب گریٹر اسرائیل ہے۔ اسرائیل ایران میں مرضی کی حکومت تبدیلی کرکے اپنی سرحدیں بڑھانا چاہتا ہے۔

یہ بھی پڑھیں: بھارت نے غلط اندازہ لگایا، ہماری خاموشی کو کمزوری نہ سمجھا جائے: شازیہ مری

پاکستان کا ایٹمی پروگرام

حافظ نعیم الرحمان کا کہنا تھا کہ اسرائیل اور امریکہ کا اگلا ٹارگٹ پاکستان ہے جس کا اظہار وہ کبھی کرتے بھی ہیں۔ پاکستان کا ایٹمی پروگرام اسرائیل کو کھٹکتا ہے۔

یہ بھی پڑھیں: بارشوں سے تباہی اور قدرتی آفات نے حکومتی نااہلی کو بے نقاب کردیا ہے، امیرالعظیم

ٹرمپ کی امن کی کوششیں

انہوں نے کہا کہ امن کے نام پر ووٹ لے کر آنے والا ٹرمپ امن تباہ کر رہا ہے۔ ٹرمپ کی ثالثی مسئلہ کشمیر کو حل نہیں کرسکتی۔ ایران کی حمایت کرنا مسلم ممالک کی ذمہ داری ہے ورنہ کوئی نہیں بچے گا۔

مہنگائی اور حکومت کی پالیسیز

امیر جماعت اسلامی نے مزید کہا کہ حکومت نے عالمی مارکیٹ میں تیل کی قیمت کا بہانہ بناکر تیل مہنگا کر دیا ہے۔ اگر پٹرول کی قیمت سے لیوی ختم کی جائے تو قیمت چالیس فیصد کم ہو جائے گی۔ بجٹ میں عوام پر بے تحاشا ٹیکس لگا دیا گیا ہے۔