ایرانی حملوں کے بعد 154 اسرائیلی ہسپتال منتقل

ایرانی میزائل حملوں کا اثر

تل ابیب (ڈیلی پاکستان آن لائن) اسرائیل کی وزارتِ صحت نے اطلاع دی ہے کہ گزشتہ شب سے جاری ایرانی میزائل حملوں کے بعد 154 افراد کو مختلف اسرائیلی ہسپتالوں میں منتقل کیا گیا ہے۔

یہ بھی پڑھیں: امارات میں میڈیا کے لیے نیا نظام متعارف، خلاف ورزی پر 20 لاکھ درہم تک جرمانہ

مختلف حالتوں میں مریض

وزارت کے بیان کے مطابق ان میں سے چار افراد کی حالت "درمیانے درجے" کی بتائی جا رہی ہے، 130 افراد کو معمولی نوعیت کی چوٹیں آئی ہیں، 15 مریضوں کا تاحال طبی معائنہ جاری ہے جبکہ پانچ افراد کو شدید ذہنی دباؤ اور اضطراب کی حالت میں طبی امداد فراہم کی جا رہی ہے۔

یہ بھی پڑھیں: برڈ فلو پھیل گیا ۔۔۔

ایرانی وزارتِ صحت کا بیان

بی بی سی کے مطابق ادھر ایرانی وزارتِ صحت نے اپنے تازہ بیان میں کہا ہے کہ جمعے سے اب تک اسرائیلی فضائی حملوں کے نتیجے میں ایران میں کم از کم 224 افراد ہلاک جبکہ 1200 سے زائد زخمی ہو چکے ہیں۔