ٹرمپ، مودی رابطہ: بھارتی وزیراعظم نے پاک بھارت تنازع پر امریکی ثالثی ماننے سے انکار کردیا، بھارت کا دعویٰ
ٹیلی فونک رابطہ
نئی دہلی (ڈیلی پاکستان آن لائن) امریکی صدر ڈونلڈ ٹرمپ اور بھارتی وزیراعظم مودی کے درمیان ٹیلی فونک رابطہ ہوا ہے۔
یہ بھی پڑھیں: محسن نقوی کی ریلوے ہیڈ کوارٹرز آمد، حنیف عباسی کے زیر صدارت خصوصی اجلاس میں شرکت، اہم فیصلے
35 منٹ کی گفتگو
نجی ٹی وی جیو نیوز نے بھارتی میڈیا کے حوالے سے بتایا کہ سیکرٹری خارجہ وکرم مسری نے اپنے ایک بیان میں کہا کہ بھارتی وزیراعظم مودی نے امریکی صدر ٹرمپ کے ساتھ 35 منٹ طویل ٹیلی فونک گفتگو کی۔
یہ بھی پڑھیں: گلگت بلتستان میں پہلی بار پولیو کیس رپورٹ
پاکستان کے خلاف مضبوط موقف
بھارتی سیکرٹری خارجہ کے مطابق مودی نے ٹرمپ کو کہا کہ پاکستان سے تنازع پر بھارت تیسرے فریق کی ثالثی قبول نہیں کرتا اور نہ کرے گا۔
یہ بھی پڑھیں: 2025 میں بانی پی ٹی آئی کی اپیل مقرر ہوتی نظر نہیں آتی؛ 190 ملین پاؤنڈ کیس میں رجسٹرار اسلام آباد ہائی کورٹ کا اہم بیان
مذاکرات سے انکار
وکرم مسری کے مطابق نریندر مودی نے مذاکرات سے انکار کرتے ہوئے ٹرمپ کو کہا کہ آپریشن سندور تاحال جاری ہے۔
یہ بھی پڑھیں: وہ ایڈیٹر تھا !
آپریشن بنیان مرصوص
واضح رہے کہ 10 مئی کو پاکستان نے بھارتی جارحیت کے جواب میں کارروائی کا آغاز کیا اور بھارت کے خلاف 'آپریشن بنیان مرصوص' شروع کیا۔
اس کارروائی میں بھارت میں ادھم پور، پٹھان کوٹ، آدم پور ایئربیسز اور کئی ائیر فیلڈز سمیت براہموس سٹوریج سائٹ اور ایس 400 میزائل دفاعی نظام کے علاوہ متعدد اہداف کو تباہ کیا گیا۔
یہ بھی پڑھیں: عمران خان کی ضمانت کی درخواستوں پر آئندہ تاریخ پر حکام سے تمام مقدمات کا مکمل ریکارڈ طلب
امریکی صدر کا سیز فائر کا دعوی
10 مئی کی سہ پہر امریکی صدر ڈونلڈ ٹرمپ نے کہا کہ پاکستان اور بھارت فوری اور مکمل سیز فائر کے لیے تیار ہوگئے۔ امریکی صدر کی ٹوئٹ کے بعد بھارتی سیکرٹری خارجہ نے سیز فائر کا اعلان کیا۔
بھارتی حکام کی تردید
تاہم امریکی صدر متعدد بار یہ بات دہرا چکے ہیں کہ پاکستان اور بھارت کے درمیان تنازع ان کی مداخلت سے ختم ہوا اور دونوں ممالک سیز فائر پر آمادہ ہوئے۔ ٹرمپ کا کہنا تھا کہ انہوں نے دونوں ممالک کے سربراہان حکومت سے کہا کہ وہ ایک دوسرے پر گولیاں برسائیں گے تو ان سے تجارت نہیں کی جائے گی۔
تاہم بھارتی حکام ٹرمپ کے اس دعوے کی مسلسل تردید کرتے آ رہے ہیں کہ پاک بھارت سیز فائر میں ان کا کردار تھا۔
