پنجاب کی کابینہ کمیٹی برائے امن و امان کا دورۂ فیصل آباد، 4402 مجالس اور 1528 جلوسوں کیلئے تمام سیکیورٹی انتظامات مکمل

وزیراعلیٰ پنجاب کی ہدایت پر فیصل آباد دورہ

لاہور (ڈیلی پاکستان آن لائن) وزیراعلیٰ پنجاب کی ہدایت پر کابینہ کمیٹی برائے امن و امان نے فیصل آباد کا دورہ کیا اور کمشنر آفس میں محرم الحرام سیکیورٹی انتظامات کے حوالے سے اعلیٰ سطحی اجلاس ہوا۔ وزیر صحت و چیرمین کابینہ کمیٹی برائے امن و امان خواجہ سلمان رفیق نے اجلاس کی صدارت کی جس میں صوبائی وزراء ملک صہیب احمد بھرتھ، سید عاشق حسین کرمانی اور بلال اکبر خان بھی شریک تھے۔

یہ بھی پڑھیں: اسمبلی میں جو لوگ بیٹھے ہیں، ان کی بیویاں، بچے اور خاندان والے بھی انہیں ایم این اے نہیں مانتے، یہ شکست خوردہ لوگ ہیں، اسد قیصر

اجلاس میں شرکاء کی تفصیلات

سیکرٹری داخلہ ڈاکٹر احمد جاوید قاضی، ایڈیشنل آئی جی پنجاب چوہدری سلطان، ڈی آئی جی سپیشل برانچ خرم شہزاد اور ڈی آئی جی سی ٹی ڈی عثمان گوندل نے بھی اجلاس میں شرکت کی۔ اس موقع پر کمشنر فیصل آباد مریم خان اور آر پی او ذیشان اصغر نے محرم الحرام سیکیورٹی اور دیگر انتظامات کے بارے میں بریفنگ دی۔ اجلاس کو بتایا گیا ہے فیصل آباد ڈویژن میں تمام 4402 مجالس اور 1528 جلوس کے انتظامات مکمل ہیں۔

یہ بھی پڑھیں: صدر مملکت سے پارٹی رہنماؤں کی اہم ملاقاتیں

محرم الحرام کے انتظامات

اسی طرح 160 شعلہ بیاں ذاکرین و مقررین کی ضلع بندی اور 119 کی زبان بندی کے احکامات جاری کیے گئے ہیں۔ فیصل آباد میں 234 افراد کو فورتھ شیڈول میں شامل کیا گیا۔ محرم الحرام کے دوران پولیس کی مدد کے لیے فیصل آباد ڈویژن میں آرمی کی 12 اور رینجرز کی 10 کمپنیاں بھی سیکیورٹی پر تعینات ہوں گی۔

یہ بھی پڑھیں: خیبرپختونخوا میں فی کلو آٹا 75 روپے سے بڑھ کر 145 روپے تک پہنچ گیا

اجلاس کا مقصد

اجلاس سے خطاب میں چیئرمین کابینہ کمیٹی خواجہ سلمان رفیق کا کہنا تھا کہ وزیراعلی پنجاب کے حکم پر صوبہ بھر میں جا کر انتظامات کا جائزہ لے رہے ہیں۔ پنجاب میں انتظامات مثالی ہیں اور تمام انتظامیہ و فورس تیار ہے۔ انہوں نے کہا کہ اتحاد بین المسلمین کے اصول کے تحت پُرامن محرم الحرام کی جانب گامزن ہیں۔

یہ بھی پڑھیں: افغانستان میں غلام بنانا قانونی قرار دیدیا گیا ۔۔۔ عدالتوں کے نئے فیصلے جاری، طالبان پر تنقید یا اختلاف کرنے والوں سے کیا سلوک کیا جائے گا؟ اہم تفصیلات جانیے۔

محرم الحرام کی امن کمیٹی کی ملاقات

بعد ازاں کابینہ کمیٹی نے ڈویژنل امن کمیٹی اور علماء و مشائخ سے بھی کمشنر آفس میں ملاقات کی۔ اس موقع پر تمام مکاتب فکر کے علماء و مشائخ نے محرم الحرام کے انتظامات پر اطمینان کا اظہار کیا۔ اراکین امن کمیٹی نے کہا کہ فیصل آباد ڈویژن میں پرامن محرم الحرام کیلئے ہم سب اکٹھے ہیں، انتظامیہ کے ساتھ تمام روٹ کا دورہ کر رہے ہیں اور ایک ایک عبادت گاہ میں گئے۔

یہ بھی پڑھیں: پی ٹی آئی کی فائنل کال فلاپ ہوگئی ،عظمیٰ بخاری

مرکزی جلوس کا جائزہ

کابینہ کمیٹی برائے امن و امان نے اس کے بعد فیصل آباد میں مرکزی جلوس کے روٹ اور امام بارگاہوں کا دورہ کیا۔ اس موقع پر وزیر صحت و چیئرمین خواجہ سلمان رفیق کے ہمراہ وزیر زراعت سید عاشق حسین کرمانی، سیکرٹری داخلہ پنجاب ڈاکٹر احمد جاوید قاضی، ایڈیشنل آئی جی پنجاب چوہدری سلطان، ڈی آئی جی سپیشل برانچ خرم شہزاد، ڈی آئی جی سی ٹی ڈی عثمان گوندل، آر پی او فیصل آباد ذیشان اصغر، ایڈیشنل سیکرٹری داخلہ احسان جمالی اور متعلقہ افسران بھی موجود تھے۔

یہ بھی پڑھیں: 190 ملین پاؤنڈ کیس میں بانی پی ٹی آئی اور بشریٰ بی بی کی درخواست سماعت کے لیے مقرر

شربت سبیل اور لنگر کا اہتمام

اس موقع پر گفتگو کرتے ہوئے خواجہ سلمان رفیق کا کہنا تھا کہ وسیع پیمانے پر شربت سبیل اور لنگر کا اہتمام کیا جا رہا ہے۔ انتظامیہ اور امن کمیٹیاں معاملہ فہمی کے ساتھ عمدہ انتظامات کر رہی ہیں۔

یہ بھی پڑھیں: حالات بگڑنا شروع ہو گئے، بلوائیوں کے حملوں کی خبریں آ رہی تھیں، گاؤں کے سکھوں نے کہا ہمیں مارے بغیر تم مسلمانوں تک نہیں پہنچ سکتے۔

مقامی افراد کے تاثرات

سید عاشق حسین کرمانی نے کہا کہ تمام مکاتب فکر محرم الحرام پُرامن انداز اور مذہبی عقیدت و احترام سے گزاریں گے۔ صوبائی وزراء نے کہا کہ امن کمیٹی اراکین، منتظمین، لائسنس ہولڈرز اور علماء و مشائخ سے ملاقات کر رہے ہیں جو انتظامات سے مطمئن ہیں۔

مانٹریزنگ کے انتظامات

سیکرٹری داخلہ پنجاب ڈاکٹر احمد جاوید قاضی نے کہا کہ محرم الحرام کی مجالس اور عزاداری جلوسوں کی مانیٹرنگ کے انتظامات مکمل ہیں اور پنجاب بھر کے جلوس و مجالس کو متعلقہ ضلعی کنٹرول روم کے ساتھ ساتھ محکمہ داخلہ پنجاب کے مرکزی کنٹرول روم سے مانیٹر کیا جائے گا۔