غزہ میں امداد کے لیے جمع افراد پر اسرائیلی فوج کی فائرنگ، 11 فلسطینی شہید

غزہ میں اسرائیلی فائرنگ

غزہ (ڈیلی پاکستان آن لائن) اسرائیلی فوج نے غزہ میں امداد کے لیے جمع ہونے والے فلسطینیوں پر فائرنگ کردی۔

یہ بھی پڑھیں: شیر گڑھ‘ مبینہ ذہنی مریض باپ نے بیٹی کو ڈنڈے مار کر قتل کردیا

حملوں کے نتیجے میں جانی نقصان

نجی ٹی وی جیو نیوز نے برطانوی خبر رساں ادارے (بی بی سی) کے حوالے سے بتایا کہ امدادی کارکنوں اور طبی ماہرین کا کہنا ہے کہ گزشتہ روز غزہ پر اسرائیلی فائرنگ اور حملوں میں کم از کم 33 افراد جان سے گئے جن میں 11 فلسطینی بھی شامل ہیں۔

یہ بھی پڑھیں: سونے کی فی تولہ قیمت میں 1500 روپے کا اضافہ

حماس کا بیان

اس حوالے سے حماس کے زیر انتظام سول ڈیفنس ایجنسی کے ترجمان نے کہا کہ اسرائیلی فوج نے ہزاروں افراد پر فائرنگ کی اور متعدد گولے داغے، یہ لوگ مرکزی صلاح الدین روڈ پر امداد کے لیے جمع تھے۔

مزید حملے اور اموات

اس کے علاوہ، اسرائیل نے شمالی اور جنوبی غزہ میں بھی حملے کیے جس کے نتیجے میں 19 افراد شہید ہوگئے۔ فلسطینی وزارت صحت کا کہنا ہے کہ گزشتہ 24 گھنٹوں کے دوران اسرائیلی حملوں کے نتیجے میں کم از کم 140 افراد شہید ہوگئے۔