ایران میں موجود چینی شہری اب کہاں ہیں؟ ترجمان چینی وزارت خارجہ نے اہم بیان جاری کر دیا

چین کی وزارت خارجہ کا بیان

بیجنگ (ویب ڈیسک) چین کی وزارت خارجہ کے ترجمان گو جی آکون نے کہا ہے کہ ایران میں موجود چینی شہریوں کو محفوظ مقامات پر منتقل کردیا گیا ہے اور اسرائیل سے بھی متعدد چینی شہریوں کو منتقل کردیا گیا ہے۔

یہ بھی پڑھیں: ارجنٹینا کے صدر پر انتخابی مہم کے دوران شہریوں کا پتھراؤ، 2افراد زخمی

ایران سے انخلا کی معلومات

سرکاری خبرایجنسی کی رپورٹ کے مطابق ترجمان گوجی آکون نے کہا کہ چین کی وزارت خارجہ ایران میں چینی سفارت خانے اور قونصل خانوں کی ہم آہنگی اور متعلقہ ہمسایہ ممالک کی فعال معاونت و حمایت سے 791 چینی شہریوں کو ایران سے محفوظ مقامات پر منتقل کر دیا گیا ہے۔

یہ بھی پڑھیں: یورپی ممالک جانے کے خواہشمند افراد کے لیے بڑی خوشخبری، پی آئی اے پر عائد پابندی ختم

جاری انخلا کی کارروائیاں

انہوں نے بتایا کہ مزید ایک ہزار سے زائد افراد کا انخلا جاری ہے۔

یہ بھی پڑھیں: سولہویں ابوظہبی واؤنڈ کیئر کانفرنس 2025 کامیابی کے ساتھ اختتام پذیر، 39 ممالک سے 1400 سے زائد پروفیشنلز کی شرکت

ہمسایہ ممالک کی مدد

گو جی آکون نے کہا کہ آذربائیجان اور ترکمانستان جیسے ہمسایہ ممالک میں چینی سفارت خانوں اور قونصل خانوں نے بارڈر چیک پوائنٹس پر چینی شہریوں کی مدد کے لیے ٹیمیں روانہ کی ہیں جو ان کی سرحد پار کرنے، عارضی قیام اور چین واپسی میں معاونت فراہم کر رہی ہیں۔

یہ بھی پڑھیں: ہارڈک پانڈیا سے منگنی اور حاملہ ہونے کی افواہوں پر ماہیکا شرما نے خاموشی توڑ دی

اسرائیل سے انخلا

ان کا کہنا تھا کہ متعدد چینی شہریوں کو اسرائیل سے بھی محفوظ طریقے سے منتقل کر لیا گیا ہے اور ہم متعلقہ ممالک کی بھرپور حمایت اور مدد پر ان کے شکر گزار ہیں۔

آئندہ کا لائحہ عمل

چینی وزارت خارجہ کے ترجمان نے مزید کہا کہ ہماری وزارت اور متعلقہ سفارت خانے اور قونصل خانے چینی شہریوں کے انخلا میں بھرپور کوششیں جاری رکھیں گے۔