مشکل وقت میں ایرانی عوام کے ساتھ ہیں

او آئی سی محتسب ایسوسی ایشن کی حمایت

لاہور(ڈیلی پاکستان آن لائن) او آئی سی محتسب ایسوسی ایشن مشکل وقت میں ایرانی عوام کے ساتھ ہے۔ وفاقی ٹیکس محتسب ڈاکٹر آصف محمود جاہ کا ایرانی سفیر رضا امیری سے ملاقات۔

یہ بھی پڑھیں: لاہور آج بھی دنیا کے آلودہ ترین شہروں میں پہلے نمبر پر آگیا

اسرائیل کی جارحیت پر افسوس

ایران پر اسرائیل کی جانب سے ہونے والی جارحیت کے دوران شہادتوں پر دلی افسوس کا اظہار کرتا ہوں اور اسلامی تعاون تنظیم اور محتسب تنظیم کی طرف سے ایران کی مکمل حمایت کا اعلان کرتا ہوں۔ ان خیالات کا اظہار وفاقی ٹیکس محتسب اور او آئی سی اومبڈسمین ایسوسی ایشن کے سیکرٹری جنرل ڈاکٹر آصف محمود جاہ نے ایرانی سفیر رضا امیری سے ملاقات میں کیا۔

یہ بھی پڑھیں: اگر دشمن باز نہ آئے تو ان کا صفایا کردیا جائے: رانا ثناء اللہ

یکجہتی اور حمایت کا عزم

اس موقع پر انھوں نے اس عزم کا اعادہ کیا کہ ہم اسرائیل کے ساتھ جاری تنازعہ میں بہادر جانوں کی حالیہ شہادتوں پر اسلامی جمہوریہ ایران کی حکومت اور عوام سے دلی تعزیت کا اظہار کرتے ہیں۔ عظیم نقصان اور دکھ کے اس وقت میں اسلامی تعاون تنظیم (OIC) محتسب تنظیم اور اس کے رکن ممالک کی طرف سے گہری ہمدردی اور حمایت کا اظہار کرنا چاہتا ہوں۔

یہ بھی پڑھیں: سابق شوہر کی وجہ سے گزشتہ 8 ماہ سے اپنی بیٹی سے نہیں ملی، اداکارہ صاحبہ کی والدہ کا انکشاف

ایرانی عوام کی قربانیاں

ایران کے عوام نے اپنی منصفانہ جدوجہد میں جو قربانیاں دی ہیں وہ امت مسلمہ کے دل کی گہرائیوں سے گونجتی ہیں۔ ہم انصاف اور اپنی خودمختاری کے دفاع میں اپنی جانوں کا نذرانہ پیش کرنے والوں کی ہمت کو تسلیم کرتے ہیں اور ان کا احترام کرتے ہیں۔

یہ بھی پڑھیں: 1929ء میں بنے والٹن ٹریننگ سکول کی شہرت جلد بیرون ملک جا پہنچی وہاں کے ریلوے محکموں نے بھی اپنا عملہ تربیت کیلیے یہاں بھجوانا شروع کر دیا

خودمختاری اور اتحاد کے اصول

او آئی سی محتسب ایسوسی ایشن اس مشکل وقت میں ایرانی عوام کے ساتھ مکمل یکجہتی کے ساتھ کھڑی ہے۔ ہم انصاف، اتحاد اور ہر جگہ مظلوم لوگوں کے حقوق کے دفاع کے اصولوں پر کاربند ہیں، خاص طور پر حالیہ جارحیت کے دوران۔ اس وقت، ہم ایران کے عوام کے ساتھ اپنی یکجہتی کا اعادہ کرتے ہیں اور اپنی غیر متزلزل حمایت کا اظہار کرتے ہیں۔

پاکستان اور او آئی سی ممالک کی حمایت

پاکستان اور او آئی سی محتسب تنظیم کے ممالک صیہونی حکومت کی طرف سے شروع کی گئی جنگ میں ایران کی مکمل حمایت کرتے ہیں اور ایرانی بھائیوں کی کسی بھی قسم کی حمایت کے لیے تیار ہیں۔