خامنہ ای کے قتل کے سنگین نتائج ہوں گے، آیت اللہ سیستانی اور حزب اللہ کا انتباہ

آیت اللہ علی الحسینی السیستانی کی اہمیت

بغداد (ڈیلی پاکستان آن لائن) عراق کے سب سے بااثر مذہبی رہنما آیت اللہ علی الحسینی السیستانی اور لبنان کی عسکری تنظیم حزب اللہ نے اسرائیل اور امریکا کو خبردار کیا ہے کہ آیت اللہ علی خامنہ ای کے قتل کے سنگین نتائج برآمد ہوں گے۔

یہ بھی پڑھیں: نئی تاریخ رقم: سٹاک مارکیٹ نے پہلی بار 85 ہزار پوائنٹس کی حد عبور کی

آیت اللہ السیستانی کا بیان

ڈان نے تہران ٹائمز کے حوالے سے بتایا کہ عراقی مذہبی رہنما آیت اللہ علی الحسینی السیستانی نے نجف میں واقع دفتر سے جاری بیان میں ایرانی سپریم لیڈر آیت اللہ علی خامنہ ای کے خلاف کسی بھی قسم کی بیرونی فوجی مداخلت یا قتل کی کوشش کو سختی سے مسترد کیا۔ انہوں نے کہا کہ ایسے اقدامات بنیادی اخلاقی اور مذہبی اصولوں کی خلاف ورزی ہیں اور بین الاقوامی قوانین و ضوابط کی بھی کھلی خلاف ورزی ہیں۔

یہ بھی پڑھیں: آر ایل کے گروپ آئی ٹی ایف ماسٹرز چیمپئن شپ 2024 کا افتتاح

خطے پر اثرات کی پیشگوئی

بیان میں خبردار کیا گیا ہے کہ ایران کی قیادت کو غیر مستحکم کرنے کے لیے کسی بھی مجرمانہ اقدام کے خطے پر سنگین نتائج مرتب ہوں گے، جو پورے مغربی ایشیا کو افراتفری اور شدید کشیدگی میں دھکیل سکتا ہے۔ آیت اللہ السیستانی نے زور دے کر کہا کہ ایسے اقدامات خطے کے عوام کی مشکلات میں اضافہ کریں گے اور شامل تمام ممالک کے اجتماعی مفادات کو خطرے میں ڈال سکتے ہیں۔

یہ بھی پڑھیں: برٹنی سپیئرز کو پرواز کے دوران سگریٹ اور شراب نوشی کرتے ہوئے پکڑا گیا

عالمی برادری کی طرف توجہ

آیت اللہ العظمیٰ السیستانی نے عالمی اداروں اور خصوصاً اسلامی دنیا کی حکومتوں پر زور دیا کہ وہ ایران کے خلاف جارحیت کو روکنے اور ایران کے جوہری مسئلے کا بین الاقوامی قوانین کے مطابق پرامن اور منصفانہ حل تلاش کرنے کے لیے اپنا کردار ادا کریں۔

یہ بھی پڑھیں: امریکی کمپنی نے اڑنے والی الیکٹرک کار متعارف کرادی

حزب اللہ کا موقف

دوسری جانب لبنان کی عسکری تنظیم حزب اللہ نے ایک بیان جاری کرتے ہوئے ایران کے سپریم لیڈر آیت اللہ علی خامنہ ای کی حمایت کا اظہار کیا ہے، یہ بیان اسرائیلی اور امریکی رہنماؤں کی جانب سے ان کے قتل کی دھمکیوں کے بعد سامنے آیا ہے۔

یہ بھی پڑھیں: پاکستانی فضائی حدود ایک سال بند رہی تو کتنا نقصان ہو گا؟ ایئر انڈیا نے بھارتی حکومت کو خط لکھ کر خبردار کر دیا

دھمکیوں کا جواب

بیان میں کہا گیا ہے ’خامنہ ای کے قتل کی دھمکیاں بے وقوفی اور غیر ذمہ دارانہ ہیں، اور ان کے تباہ کن نتائج برآمد ہوں گے۔ صرف ایسی بات کرنا ہی اسلام سے وابستہ کروڑوں مؤمنین کی توہین ہے، اور یہ قابلِ مذمت ہے۔ آج ہم ان کے گرد پہلے سے زیادہ متحد اور پُرعزم ہیں‘۔

حزب اللہ کی عسکری صورتحال

حزب اللہ نے اگرچہ اب تک اسرائیل کے خلاف جاری لڑائی میں شمولیت اختیار نہیں کی ہے، حالانکہ اسرائیل نے جمعہ سے ایران کے اندر حملے شروع کر رکھے ہیں۔ اسرائیلی حملوں کے بعد جاری ہونے والے ابتدائی بیان میں لبنانی تنظیم نے ان حملوں کی مذمت کی، لیکن اس نے لبنانی حکومت کو اشارہ دیا کہ وہ فی الحال اس تنازع میں براہِ راست شامل نہیں ہوگی۔