خصوصی اقتصادی زونز اور ٹیکنالوجی زونز کے لیے ٹیکس مراعات ختم کرنے کا فیصلہ

اقتصادی زونز کیلئے ٹیکس مراعات کا خاتمہ

اسلام آباد (ڈیلی پاکستان آن لائن) خصوصی اقتصادی زونز اور ٹیکنالوجی زونز کے لئے ٹیکس مراعات ختم کرنے کا فیصلہ کر لیا گیا۔

یہ بھی پڑھیں: پی ٹی آئی کی خاتون رہنما صائمہ خالد نے سینیٹ ضمنی انتخاب کے خلاف عدالت جانے کا اعلان کردیا

سینیٹ کی قائمہ کمیٹی کا اجلاس

نجی ٹی وی سماء کے مطابق جمعرات کے روز سینیٹر سلیم مانڈوی والا کی زیر صدارت قائمہ کمیٹی خزانہ کا اجلاس ہوا، جہاں چیئرمین فیڈرل بورڈ آف ریونیو (ایف بی آر) راشد محمود لنگڑیال نے خصوصی اقتصادی زونز اور ٹیکنالوجی زونز کے حوالے سے بریفنگ دی۔

یہ بھی پڑھیں: جاپان کا پاکستان میں انسداد پولیو مہم کیلئے 31 لاکھ ڈالر گرانٹ کا اعلان

آئی ایم ایف معاہدہ اور مراعات کا خاتمہ

ایف بی آر نے کمیٹی کو بتایا کہ انٹرنیشنل مانیٹری فنڈ (آئی ایم ایف) معاہدے کے مطابق 2035 تک تمام مراعات ختم کر دی جائیں گی اور طے ہوا ہے کہ مستقبل میں کسی خصوصی اقتصادی زون کو ٹیکس چھوٹ نہیں دی جائے گی۔

یہ بھی پڑھیں: پاکستان سمیت دنیا بھر میں مسیحی آج ایسٹر کا تہوار منا رہے ہیں

چیئرمین ایف بی آر کا بیان

اجلاس کے دوران چیئرمین ایف بی آر نے کہا کہ اس حوالے سے ہمارے اختیار میں کچھ نہیں ہے اور ہمارے ہاتھ بندھے ہوئے ہیں۔ راشد محمود لنگڑیال نے مزید بتایا کہ مختلف شعبوں کے لئے ٹیکس چھوٹ اور رعایتی ٹیکس ریٹ ختم کیے جا رہے ہیں۔

یہ بھی پڑھیں: نواز شریف سے کس نے بات کرنی ہے ان کو تو اپنی فیملی بھی نہیں پوچھ رہی، علیمہ خان

سینیٹر انوشہ رحمان کی تنقید

اجلاس کے دوران سینیٹر انوشہ رحمان نے سوال اٹھایا کہ ایک ادارہ صرف 12 افراد کا ہے اور اس کے پاس 13 ارب روپے موجود ہیں، لیکن 12 افراد کے اینڈر میں اتنی بڑی رقم کیسے آ سکتی ہے؟

یہ بھی پڑھیں: کارکنوں کو چن چن کر سزائیں دی جا رہی ہیں، کوئی تو ہے جو خوفزدہ ہے، علیمہ خان

حکومتی موقف

حکام نے بریفنگ میں بتایا کہ ان اداروں میں نادرا، سی ڈی اے اور کراچی پورٹ بھی شامل ہیں۔ انوشہ رحمان نے مزید کہا کہ کیوں نہ ان اداروں کو اپنے پیسے انویسٹ کرنے کے اختیارات دے دیے جائیں؟

یہ بھی پڑھیں: ایدھی فاؤنڈیشن نے ایئرایمبولینس سروس کے لیے ایک اور طیارہ خرید لیا۔

چیرمین کمیٹی کی تشویش

چیئرمین کمیٹی نے کہا کہ ان خود مختار اداروں میں سے کسی نے بھی کوئی ٹیکس ادا نہیں کیا۔ حکام نے بتایا کہ گزشتہ دو سال کے دوران نادرا نے 8 ارب روپے کا ٹیکس ادا کیا۔

وزیر خزانہ کا جواب

وفاقی وزیر خزانہ نے کہا کہ قوانین کے لئے کمیٹی کی طرف سے کوئی ترامیم بنا کر دی جائیں، ہم اس پر غور وخوض کر کے کل سیکرٹری خزانہ کے ساتھ آئیں گے۔