ایران کے خلاف اسرائیلی جارحیت کے حوالے سے او آئی سی وزرائے خارجہ کا اجلاس دو دن بعد شروع ہوگا

او آئی سی وزرائے خارجہ کا خصوصی اجلاس

جدہ (محمد اکرم اسد) ہفتہ ۲۱ جون کی سہ پہر کو ایران کے خلاف اسرائیلی جارحیت کے تناظر میں او آئی سی وزرائے خارجہ کا خصوصی اجلاس ہو گا۔

یہ بھی پڑھیں: سابق چیئرمین پنجاب پبلک سروس کمیشن صفدرجاوید سید انتقال کر گئے

افتتاحی اجلاس کی تقریر

افتتاحی اجلاس سے ترکی کے صدر طیب اردوان خطاب کریں گے۔ سعودی وزیرخارجہ شہزادہ فیصل بن فرحان، او آئی سی کے سیکریٹری جنرل طہ ابراہیم حسین و دیگر بھی افتتاحی اجلاس سے خطاب کرینگے۔

یہ بھی پڑھیں: سابق نیوی افسران کی سزائے موت کے فیصلے پر عملدرآمد روکنے کا حکم امتناع ختم

نائب وزیراعظم اسحاق ڈار کی شرکت

او آئی سی اجلاس میں شرکت کے لیے نائب وزیراعظم اسحاق ڈار کل استنبول پہنچیں گے۔ او آئی سی میں پاکستان کے مستقل مندوب سید فواد شیر و ترکئیے کے پاکستانی سفارت کار ان کا استقبال کریں گے۔

یہ بھی پڑھیں: اگر کسی کی نمبر گیم پوری ہے تو عدم اعتماد کیوں نہیں لاتے؟ جب تک اختیار ہے فرائض سرانجام دیتا رہوں گا، وزیراعظم آزادکشمیر

پاکستان کا موقف

اسحاق ڈار اجلاس میں ایران پر حملوں سے متعلق پاکستانی موقف بیان کرینگے۔ ایران کے وزیرخارجہ عباس عراقچی سے اسحاق ڈار کی ملاقات بھی ہوگی۔

یہ بھی پڑھیں: دورۂ امریکہ، اسحاق ڈار واشنگٹن بھی جائیں گے، اہم شخصیت سے ملاقات طے

دیگر ملاقاتیں

اس کے علاوہ سعودی وزیرخارجہ فیصل بن فرحان، بنگلہ دیش کے مشیر خارجہ توحید حسن، آذربائیجان، ترکی، ملائشیا، مصر، کویت و دیگر سے ملاقاتیں کرینگے جو طے ہیں۔