کوئٹہ: جائیداد کی خاطر 2 سوتیلے بھائیوں کو قتل کرکے لاشیں گھر میں دفنانے والا ملزم گرفتار

خونریزی کا واقعہ

کوئٹہ(ڈیلی پاکستان آن لائن) کوئٹہ میں لے پالک بھائی نے جائیداد کی خاطر 2 بھائیوں کو قتل کرکے ان کی لاشیں گھر کے صحن میں دفن کردیں۔

یہ بھی پڑھیں: وزیر خارجہ اسحاق ڈار 2 روزہ سرکاری دورے پر ایران چلے گئے

ملزم کی شناخت

نجی ٹی وی سما نیوز کے مطابق، پولیس کا کہنا ہے کہ کوئٹہ کے سرکی روڈ پر ایک شخص عدنان نے 6 ماہ قبل 2 افراد فیضان سلیم اور محمد سلمان کو جائیداد کی خاطر قتل کرکے ان لاشیں گھر کے صحن میں دفن کی تھیں۔

یہ بھی پڑھیں: سولرنیٹ میٹرنگ صارفین سے بجلی کم قیمت میں خریدنے سے متعلق تاحال فیصلہ نہیں ہوسکا

پالنے والے والدین کی کہانی

پولیس نے بتایا کہ عدنان کو فیضان سلیم اور محمد سلمان کے والدین نے لے پالک بیٹے کے طور پر پالا تھا۔ بھائیوں کو دفنانے کے بعد ملزم نے گھر کرائے پر دے دیا۔

پولیس کی کارروائی

پولیس کے مطابق، واردات کی خبر پولیس کو ملزم عدنان کی بیوی نے دی، جس کو ملزم نے کچھ عرصہ قبل طلاق دے دی تھی۔ اطلاع ملنے پر پولیس نے ملزم عدنان کو گرفتار کرلیا اور گھر کو سیل کردیا۔