اداکارہ میرب علی نے آخر کار عاصم اظہر سے علیحدگی پر خاموشی توڑ دی

میرب علی کا علیحدگی پر ردعمل

کراچی (ویب ڈیسک) اداکارہ و ماڈل میرب علی نے بالآخر گلوکار عاصم اظہر سے علیحدگی پر خاموشی توڑتے ہوئے اپنا ردعمل دے دیا۔

یہ بھی پڑھیں: سپریم کورٹ میں 26 ویں آئینی ترمیم کے خلاف ایک اور درخواست دائر

علیحدگی کی خبر

نجی ٹی وی ایکسپریس نیوز کے مطابق میرب علی اور گلوکار عاصم اظہر کی گزشتہ تین برس پہلے منگنی ہوئی تھی تاہم گزشتہ ہفتے اچانک ان کی علیحدگی کی خبریں سامنے آئیں۔ یہ خبر اس وقت منظر عام پر آئی جب عاصم اظہر نے منگنی ختم کرنے سے متعلق انسٹاگرام پر ایک بیان جاری کیا۔

یہ بھی پڑھیں: بھارت پاکستان میں دہشتگردانہ کارروائیوں کی حمایت اور مالی معاونت کر رہا ہے، ڈی جی آئی ایس پی آر لیفٹیننٹ جنرل احمد شریف چوہدری

سوشل میڈیا پر گفتگو

اس کے بعد سوشل میڈیا پر ان کی علیحدگی سے متعلق تبصرے اور چہ مگوئیاں شروع ہو گئیں، لیکن دونوں جانب سے کوئی تفصیل بیان نہیں کی گئی۔

یہ بھی پڑھیں: بچوں کو مہنگی کتابیں، کاپیاں اور یونیفارم بیچنے والے نجی سکولوں کی شامت آ گئی

میرب علی کی سرگرمیاں

علیحدگی کے بعد میرب علی مختلف تقریبات میں نظر آئیں اور اپنے قریبی دوستوں و خاندان کے ہمراہ وقت گزارتی رہیں۔ وہ اپنے پیشہ ورانہ معاملات میں بھی سرگرم ہیں تاہم طویل خاموشی کے بعد میرب علی نے اب انسٹاگرام اسٹوریز کے ذریعے اپنے جذبات کا اظہار کیا ہے۔

یہ بھی پڑھیں: گوادر میں مذبح خانے کی تعمیر شروع، پاکستان سالانہ کتنے لاکھ گدھوں کی کھالیں اور گوشت چین کو برآمد کریگا؟ جانیے

جذبات کا اظہار

انہوں نے لکھا کہ "اللہ میرے دل کی حالت جانتا ہے اور یہی میرے لیے کافی ہے۔" ان کا یہ بیان سوشل میڈیا پر وائرل ہو گیا ہے جہاں صارفین نے ملے جلے ردعمل دیے ہیں۔

صارفین کے ردعمل

کچھ افراد نے اس بیان کو توجہ حاصل کرنے کی کوشش قرار دیا، جبکہ دوسروں نے اس کی حمایت کی۔ میرب نے انسٹا اسٹوری پر پھولوں کی تصویر بھی شیئر کی ہے جس میں ایک پیغام بھی لکھا ہے جس میں اداکارہ کی مشکل وقت میں حوصلہ افزائی کی گئی ہے.