اٹک جیل میں قیدیوں پر تشدد کرنا ڈپٹی سپرٹینڈنٹ کو بہت مہنگا پڑ گیا
تشدد کے واقعات کا انکشاف
اٹک (ویب ڈیسک) ڈسڑکٹ جیل اٹک میں انتظامی افسران کی نگرانی میں قیدیوں پر تشدد کے معاملے پر سپرنٹنڈنٹ اٹک جیل عارف شہباز کو عہدے سے ہٹاتے ہوئے ڈپٹی سپرنٹنڈنٹ، اسسٹنٹنٹ سپرنٹنڈنٹ سمیت پانچ افسران اور اہلکاروں کو معطل کردیا گیا۔
یہ بھی پڑھیں: ایلون مسک کی ٹرمپ کابینہ میں نامزدگی کے بعد ایکس کے صارفین ‘بلیو سکائی’ کی طرف کیوں بڑھ رہے ہیں
آئی جی کی کارروائی
ڈسڑکٹ جیل اٹک میں انتظامی افسران کی موجودگی اور نگرانی میں جیل میں اسیران کو دوسرے قیدیوں سے بدترین طریقے سے تشدد کا نشانہ بنانے کے الزام اور ویڈیو سامنے آنے پر آئی جی جیل خانہ جات پنجاب میاں فاروق نذیر نے نوٹس لیا۔
یہ بھی پڑھیں: پاک، سعودی دفاعی معاہدے پر خصوصی گانا ’’عھدل یزول‘‘ جاری کر دیا گیا، سوشل میڈیا پر دھوم
انکوائری کا آغاز
آئی جی جیل خانہ جات پنجاب فاروق نذیر نے جیل میں قیدیوں پر تشدد کی وجوہات معلوم کرنے، جیل کے اندر سیکیورٹی کے باوجود ریکارڈ ڈیوائس کیسے پہنچی اور ویڈیو کیسے بنائی گئی جیسی وجوہات سے متعلق حقائق سامنے لانے کے لیے ڈی آئی جی جیل راولپنڈی ریجن رانا عبدالرؤف کو انکوائری افسر مقرر کیا۔
انکوائری افسر نے انکوائری کے بعد رپورٹ آئی جی جیل پنجاب کو ارسال کی اور آئی جی جیل خانہ جات پنجاب نے ہوم ڈپارٹمنٹ پنجاب کو تمام تر صورت حال سے آگاہ کیا۔
یہ بھی پڑھیں: پی ٹی آئی اسٹیبلشمنٹ سے مذاکرات چاہتی ہے تو آئیں، ان کو بھی ساتھ بٹھا لیں، طارق فضل چوہدری نے پیشکش کردی۔
سخت ایکشن
بعد ازاں ابتدائی انکوائری کی روشنی میں ہوم ڈپارٹمنٹ پنجاب نے سخت ایکشن لیتے ہوئے سپرنٹنڈنٹ ڈسڑکٹ جیل اٹک عارف شہباز کو عہدے سے ہٹا کر آئی جی پریژن آفس لاہور رپورٹ کرنے کے احکامات دیے ہیں۔
پرنسپل اسٹاف ٹرینگ اشتیاق گل کو سپرنٹنڈنٹ اور سرفراز ہارون کو ڈپٹی سپرنٹنڈنٹ ایگزیکٹو اٹک جیل تعینات کردیا گیا ہے۔
یہ بھی پڑھیں: بھارت جھوٹ پر جھوٹ بول رہا ہے،ہمارے پاس تحمل دکھانے کا وقت نہیں: خواجہ آصف
معطل افسران کی تفصیلات
اسی طرح فرائض میں مبینہ غفلت برتنے، مس کنڈکٹ اور لاپرواہی برتنے پر ڈسڑکٹ جیل اٹک کے پانچ افسران گریڈ 17 کے ڈپٹی سپرنٹنڈنٹ ایگزیکٹو سرمد حسین، گریڈ 16 کے اسسٹنٹنٹ سپرنٹنڈنٹ مشتاق احمد، چیف وارڈر محمد شفیق، ہیڈ وارڈر محمد ذوالفقار اور وارڈر محمد ایوب کو 90 دن کے لیے معطل کر دیا گیا ہے۔
نیا نوٹیفکیشن
ہوم ڈپارٹمنٹ پنجاب نے باقاعدہ نوٹیفکیشن جاری کرکے پانچوں معطل افسران اور اہلکاروں کو فوری طور پر آئی جی آفس جیل خانہ رپورٹ کرنے کی ہدایت کی ہے.
