مہاجر ہونا کوئی جرم نہیں، کربناک مجبوری ہے: مریم نواز
مہاجر ہونا: ایک کربناک مجبوری
لاہور(ڈیلی پاکستان آن لائن) وزیراعلیٰ پنجاب مریم نواز شریف نے کہا ہے کہ مہاجر ہونا کوئی جرم نہیں یہ ایک کربناک مجبوری ہے۔
یہ بھی پڑھیں: سال 2025 کے دوران لاہور میں کتنے خودکشی کے واقعات رونما ہوئے، تفصیلی رپورٹ جاری
پناہ گزین افراد کے عالمی دن کا پیغام
نجی ٹی وی دنیا نیوز کے مطابق پناہ گزین افراد کے عالمی دن پر اپنے پیغام میں مریم نواز کا کہنا تھا کہ کوئی شوق سے پناہ گزین نہیں بنتا، زندگی بچانے کیلئے اپنا آنگن، اپنی مٹی، اپنی چھت چھوڑنا پڑتا ہے۔
یہ بھی پڑھیں: بانی پی ٹی آئی کے قریبی دوست عمران چودھری انتقال کر گئے
مہاجرین کا انسانی مسئلہ
جنگیں ختم ہو جاتی ہیں مگر مہاجرین کی بے گھری نسلوں تک رہ جاتی ہے۔ انہوں نے مزید کہا کہ فلسطین و شام کے دربدر مہاجرین انسانیت کیلئے ایک کڑا امتحان ہیں۔
یہ بھی پڑھیں: کون اس گھر کی دیکھ بھال کرے۔۔۔جون ایلیا کو مداحوں سے بچھڑے 23 برس بیت گئے
پاکستان کی مہاجرین کی حمایت
دنیا کو ادراک ہونا چاہیے کہ پناہ مانگنے والا کمزور نہیں، مظلوم ہوتا ہے۔ پاکستان نے محدود وسائل کے باوجود فراخ دلی سے لاکھوں مہاجرین کی با عزت طریقے سے میزبانی کی۔
مظلوموں کی حمایت کا عزم
مریم نواز شریف کا مزید کہنا تھا کہ پاکستان ہمیشہ مظلوموں کی آواز بنا ہے، مہاجرین کی فلاح کیلئے آواز بلند کرتے رہیں گے۔ دعا ہے کہ دنیا میں امن قائم ہو، ظلم کا خاتمہ ہو اور ہر انسان کو سکون نصیب ہو۔
