ٹک ٹاکر ثناء یوسف قتل کیس: ملزم کا مزید 3 روزہ جسمانی ریمانڈ منظور

اسلام آباد عدالت کا فیصلہ

اسلام آباد (ڈیلی پاکستان آن لائن) ڈسٹرکٹ اینڈ سیشن کورٹس اسلام آباد نے ٹک ٹاکر ثناء یوسف قتل کیس میں ملزم کا تین روزہ جسمانی ریمانڈ منظور کرتے ہوئے دوبارہ 23 جون کو پیش کرنے کا حکم دے دیا۔

یہ بھی پڑھیں: لاہور پولیس نے بازار میں خریداری کے لئے آئی خاتون کے ساتھ نازیبا حرکتیں کرنے والے ملزم کو گرفتار کرلیا

ملزم کی پیشی

نجی ٹی وی دنیا نیوز کے مطابق چار روزہ جسمانی ریمانڈ ختم ہونے کے بعد ملزم عمر حیات کو جوڈیشل مجسٹریٹ حفیظ احمد کی عدالت میں پیش کیا گیا، پراسیکیوشن کی جانب سے عدنان علی، راجہ نوید حسین اور مظہر بشیر پیش ہوئے۔

یہ بھی پڑھیں: بیٹے پر جادو ٹونے کا الزام، گینگ لیڈر کے ہاتھوں بزرگوں کا قتلِ عام، 184 افراد ہلاک

پراسیکیوشن کی درخواست

پراسیکیوٹر راجہ نوید نے کہا کہ ملزم کے زیر استعمال گاڑی برآمد ہو چکی ہے اور موبائل فون برآمد کرانا مقصود ہے۔ ملزم انتہائی چالاک اور جرم کی سنگینی کو سمجھتا ہے اس لئے موبائل فون برآمد نہیں کرا رہا۔ عدالت سے استدعا ہے کہ ملزم کا مزید 7 یوم کا جسمانی ریمانڈ منظور کیا جائے۔

یہ بھی پڑھیں: بھارت نے دراندازی شروع کر رکھی تھی، تربیت یافتہ دہشتگردوں کو مشرقی پاکستان بھیجا گیا جنہوں نے قتل و غارت گری شروع کر دی

عدالت کا حکم

بعدازاں عدالت نے ملزم کا تین روزہ جسمانی ریمانڈ منظور کرتے ہوئے دوبارہ 23 جون کو پیش کرنے کا حکم دے دیا۔

مقدمے کی تفصیلات

واضح رہے کہ ملزم کے خلاف ٹک ٹاکر ثناء یوسف کو قتل کرنے کے الزام میں تھانہ سمبل میں مقدمہ درج ہے۔ ملزم نے گھر میں گھس کر ثناء یوسف کو فائرنگ کر کے قتل کر دیا تھا۔