ڈونلڈ ٹرمپ کی کمپنی کے نمائندے کا کچھ عرصہ قبل پاکستان میں خفیہ دورہ، فیلڈ مارشل سمیت کئی اعلیٰ حکام سے ملاقاتیں

امریکی صدر کی کمپنی کا پاکستان میں خفیہ دورہ

اسلام آباد (ڈیلی پاکستان آن لائن) امریکی صدر ڈونلڈ ٹرمپ کی کمپنی ورلڈ لبرٹی فنانشل کے نمائندہ زکریا وٹکوف نے پاکستان کے خفیہ دورے کے دوران فیلڈ مارشل عاصم منیر سمیت کئی اعلیٰ حکام سے ملاقاتیں کیں۔

یہ بھی پڑھیں: کراچی میں کورونا سے 4 اموات کی خبروں پر محکمہ صحت سندھ کی وضاحت آ گئی

ملاقاتوں کا مقصد

اس دوران ورلڈ لبرٹی فنانشل (WLF)، جو کہ امریکی صدر ڈونلڈ ٹرمپ کی حمایت یافتہ ایک ڈی سینٹرلائزڈ فنانس (DeFi) پلیٹ فارم ہے، نے پاکستان کرپٹو کونسل (PCC) کے ساتھ ایک اہم لیٹر آف انٹینٹ (LOI) پر دستخط کیے ہیں۔ اس معاہدے کا مقصد پاکستان میں بلاک چین جدت، اسٹیبل کوائن کے استعمال اور ڈی سینٹرلائزڈ فنانس کے انضمام کو تیز کرنا ہے۔

یہ بھی پڑھیں: بنیان مرصوص: وزیراعلیٰ سندھ کا شہدا کے ورثا کیلئے ایک کروڑ اور زخمیوں کیلئے 10 لاکھ کا اعلان

وفد کی تشکیل

ورلڈ لبرٹی فنانشل کے وفد میں شامل شخصیات میں زکریا فولک مین، زکریا وٹکوف اور چیس ہیرو تھے۔ انہوں نے پاکستان کے وزیرِاعظم، فیلڈ مارشل، ڈپٹی پرائم منسٹر، وزیر اطلاعات اور وزیر دفاع سے ملاقاتیں کیں۔

یہ بھی پڑھیں: بانی پی ٹی آئی کی رہائی کے لیے ہر صورت اسلام آباد پہنچیں گے، علی امین گنڈا پور

بلال ثاقب کا کردار

یہ سب کچھ پاکستان کرپٹو کونسل کے سی ای او بلال ثاقب کی وجہ سے ممکن ہوا، بطور پاکستان کے کرپٹو ایلچی وہ پہلی پاکستانی شخصیت بنے جنہوں نے وائٹ ہاوس میں ڈونلڈ ٹرمپ کے ڈیجیٹل اثاثہ جات کے مشیر بو ہائنس سے براہ راست ملاقات کی۔

باہمی تعاون کے معاہدے

ورلڈ لبرٹی فنانشل اور پاکستان کرپٹو کونسل کے درمیان ملاقات کے دوران باہمی تعاون کے ایک لیٹر آف انٹینٹ (LOI) پر دستخط کیے گئے۔ اس ملاقات میں پاکستان کے وزیر خزانہ، کرپٹو کونسل کے سی ای او، گورنر اسٹیٹ بینک آف پاکستان، چیئرمین SECP (سیکیورٹیز اینڈ ایکسچینج کمیشن آف پاکستان) اور وفاقی سیکریٹری برائے انفارمیشن ٹیکنالوجی شریک تھے۔