تحریک انصاف نے فیلڈ مارشل کی ملاقات سے متعلق کوئی سوال نہیں اٹھائے: رؤف حسن

اسلام آباد میں پی ٹی آئی رہنما کی گفتگو

رہنما پی ٹی آئی رؤف حسن نے کہا کہ جیل مینوئل کے مطابق بانی سے ملاقات نہیں کرائی جارہی۔

یہ بھی پڑھیں: آئی جی پنجاب پر اعتبار نہیں، بشریٰ بی بی بہت اہم ہیں، شیخ وقاص اکرم

عدالتی احکامات کی عدم تعمیل

رہنما پی ٹی آئی رؤف حسن نے نجی ٹی وی دنیا نیوز کے پروگرام ’’ٹونائٹ ود ثمرعباس‘‘ میں گفتگو کرتے ہوئے کہا کہ عدالتی احکامات کے باوجود بانی سے ملاقات کیوں نہیں کرائی جاتی، بانی کے وکلا کو بھی ملاقات نہ ہونے سے مشکلات پیش آرہی ہیں۔

یہ بھی پڑھیں: ایف بی آر کا ای انوائسنگ سسٹم ٹیکس دہندگان کے لیے وبال جان بن گیا، سلیم ولی محمد

بانی کی ہدایات کی اہمیت

رؤف حسن نے کہا کہ بانی کی ہدایت کے مطابق ہی پارٹی آگے بڑھتی ہے، بجٹ کے حوالے سے بانی کی ہدایات بہت ضروری ہیں، وفاقی حکومت آج ملاقات کرا دے تو خیبرپختونخوا میں بھی بجٹ پاس ہو جائے گا۔

یہ بھی پڑھیں: قدرت سے جڑنے کی پشتون روایت ‘ماتہ’ کیا ہے؟

فیلڈ مارشل کی ملاقات پر موقف

رہنما پی ٹی آئی نے کہا کہ تحریک انصاف نے فیلڈ مارشل کی ملاقات سے متعلق کوئی سوال نہیں اٹھائے، جو بھی قدم ملک اور قوم کے مفاد میں ہوگا ساتھ دیں گے، فیلڈ مارشل کی ملاقات کے مثبت نتائج نکلتے ہیں تو ہم سپورٹ کریں گے۔

سوشل میڈیا پر جاری بحث

رؤف حسن کا مزید کہنا تھا کہ سوشل میڈیا پر اس حوالے سے باتیں ہو رہی ہیں، ایران، اسرائیل کشیدگی کی وجہ سے تحریک مؤخر کی گئی ہے، اگر خطے میں مزید یہی صورتحال رہی تو تحریک کو مزید موخر کرسکتے ہیں۔